Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քննարկվել են աշխատանքային օրենսդրությամբ սահմանված պահանջների, ոլորտի վերահսկողության հետ կապված հարցեր
08.05.2024
Լոռու մարզպետ Արամ Ղազարյանը մայիսի 7-ին ընդունել է ՀՀ առողջապահական և աշխատանքի տեսչական մարմնի ղեկավար Սլավիկ Սարգսյանին և տեսչական մարմնի ներկայացուցիչներին:
Լոռու մարզպետի աշխատակազմի պատասխանատու պաշտոնյաների, մարզի առողջապահական և կրթական հաստատությունների ղեկավարների մասնակցությամբ քննարկվել են աշխատանքային օրենսդրությամբ սահմանված պահանջների, աշխատանքային իրավունքի, ոլորտի վերահսկողության հետ կապված հարցեր։
Որպես աշխատանքային իրավունքի նկատմամբ վերահսկողություն իրականացնող լիազոր մարմին՝ ՀՀ առողջապահական և աշխատանքի տեսչական մարմնի նպատակն էր քննարկել և վերհանել աշխատանքի կազմակերպման ընթացքում ծագած և լուծում պահանջող խնդիրները:
Լոռու մարզպետը կարևորել է նման քննարկումներն ու իրազեկման միջոցառումները, նշել, որ շահագրգիռ կառույցների կողմից աշխատանքային իրավունքներին առնչվող հարցերի վերհանումը կանխարգելում է աշխատանքային գործընթացում ծագող խնդիրները: Արամ Ղազարյանը կարևորել է նաև օրենքի գերակայությունը գործատու-աշխատակից հարաբերություններում: Նա շնորհակալություն է հայտնել ՀՀ առողջապահական և աշխատանքի տեսչական մարմնին ակտիվ և արդյունավետ համագործակցության համար:
Քննարկման ընթացքում մասնակիցները հարցեր են բարձրացրել աշխատանքային իրավունքների, համատեղության կարգով և արտաժամյա աշխատանքի, աշխատանքային պայմանագրերի հետ առնչվող խնդիրների վերաբերյալ և այլն:
Լոռու մարզպետը և ՀՀ առողջապահական և աշխատանքի տեսչական մարմնի ղեկավարը հանձնարարել են ամբողջացնել բարձրացված խնդիրները՝ սեղմ ժամկետներում համապատասխան կառույցներին ներկայացնելու և լուծումներ գտնելու համար:
