Լոռու մարզպետի աշխատակազմ

«Կայուն և ներառական աճ Հայաստանի լեռնային բնակավայրերում (SIGMA) ծրագրի մեկնարկը տրված է: Ծրագրի նպատակն է նվազեցնել աղքատությունը Հայաստանի լեռնային բնակավայրերում: Այն նոր հնարավորություններ է ստեղծում Լոռու, Շիրակի, Տավուշի և Գեղարքունիքի մարզերի ֆերմերների, ագրոբիզնեսների ու փոքր զբոսաշրջային ձեռնարկությունների համար։ Ծրագիրը ֆինանսավորվում է Շվեյցարիայի զարգացման և համագործակցության գործակալության (SDC) կողմից և իրականացվում է «DAI Global» միջազգային ընկերության և իր հայաստանյան մասնաճյուղի կողմից։ Տեղական գործընկերն է «AM Partners Consulting Company»-ն:
Լոռու մարզում այս պահին նախնական հավանության արժանացած ծրագրերից են Մարգահովիտ բնակավայրում մեղվաբուծության գիտակրթական և արտադրական կենտրոնի հիմնման, Վահագնի բնակավայրում գեոմեմբրանային ջրամբարի կառուցման, իսկ Սպիտակ համայնքում՝ ավտոմատացված շարժական ոռոգման համակարգի ներդրման ենթածրագրերը։