Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Խորհրդակցություն Վանաձորի համայնքապետարանի աշխատակազմի հետ
10.04.2024
Լոռու մարզպետ Արամ Ղազարյանն ապրիլի 9-ին Վանաձորի համայնքապետարանում աշխատանքային խորհրդակցություն է անցկացրել համայնքի ղեկավարի ժամանակավոր պաշտոնակատար Արկադի Փելեշյանի, համայնքապետարանի աշխատակազմի պատասխանատու պաշտոնյաների, աշխատակիցների, խոշորացված համայնքի կազմում ընդգրկված վարչական բնակավայրերի ղեկավարների մասնակցությամբ:
Մարզի ղեկավարը նշել է, որ մարզում՝ այդ թվում և Վանաձորում, այս տարի ևս պետական միջոցներով և սուբվենցիոն ծրագրերով մեծածավալ շինաշխատանքներ են իրականացվում: Շարունակական կերպով ընթանում են 2023 թ. մեկնարկած ծրագրերը, 2024թ.-ի համար նախատեսված ծրագրերի մի մասը նույնպես արդեն մեկնարկել է, մյուսները կսկսվեն առաջիկայում:
-Մեր ընդհանուր նպատակը պետք է լինի կառուցողական մթնոլորտում իրականացնել մեր աշխատանքները՝ հանուն Վանաձորի, մեր մարզի, երկրի շարունակական զարգացման: Մեզնից յուրաքանչյուրն իր կատարած աշխատանքով մեծ առաքելություն ունի՝ զորավիգ լինելու Հայաստանի Հանրապետությանը,- իր խոսքում նշել է մարզի ղեկավարը:
Նա անդրադարձել է նաև համայնքային մի շարք խնդիրների՝ համայնքապետարանի ոլորտային պատասխանատուներին հորդորելով հետևողական լինել դրանց լուծման հարցում:
Արկադի Փելեշյանը իր և համայնքապետարանի աշխատակազմի անունից շնորհակալություն է հայտնել Արամ Ղազարյանին նման հանդիպման նախաձեռնության համար և նշել, որ բարձրացված ցանկացած խնդիր մարզպետի և մարզպետի աշխատակազմի կողմից արագ արձագանք և լուծում է ստանում:
Մարզի ղեկավարը նշել է, որ նման հանդիպումները պարբերական բնույթ են կրելու՝ տարբեր ոլորտներում առկա խնդիրները օպերատիվ կերպով քննարկելու և լուծելու նպատակով:
