Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԱՐԱՄ ՂԱԶԱՐՅԱՆԸ՝ ԼՈՌՈՒ ՄԱՐԶՊԵՏ
18.01.2024
Ղեկավարվելով Հայաստանի Հանրապետության Սահմանադրության 160-րդ հոդվածի 2-րդ մասով և «Տարածքային կառավարման մասին» օրենքի 6-րդ հոդվածի 1-ին մասով՝ Հայաստանի Հանրապետության կառավարության որոշմամբ Արամ Ղազարյանը նշանակվել է Հայաստանի Հանրապետության Լոռու մարզպետ:
Այսօր ՀՀ կառավարության նիստում ՀՀ վարչապետ Նիկոլ Փաշինյանը շնորհավորել է նորանշանակ մարզպետին, մաղթել աշխատանքային հաջողություններ:
Արամ Ղազարյանն իր հերթին շնորհակալություն է հայտնել Լոռու մարզպետի պատասխանատու պաշտոնն իրեն վստահելու համար.
-Երկար տարիներ ապրելով և աշխատելով Լոռու մարզում՝ տեղյակ եմ մարզում առկա հիմնահարցերի մասին և պատրաստ եմ մեծ նվիրումով, պատասխանատվությամբ լուծել առկա խնդիրները, նպաստել մարզի շարունակական զարգացմանը,- նշել է Ա. Ղազարյանը:
