Լոռու մարզպետի աշխատակազմ

ՀՀ կրթության, գիտության, մշակույթի և սպորտի նախարարության պատվերով մեկնարկած Լոռու մարզի Քոբայրավանքի սեղանատան և Սանահին վանական համալիրի Սբ. Ամենափրկիչ եկեղեցու տանիքածածկերի վերականգնման և տարածքի մասնակի բարեկարգման աշխատանքներն օրերս ավարտվել են:
Սեղանատան հատակին բացված թոնրի և ջրավազանի տարածքների հասանելիությունը համապատասխան կահավորմամբ սահմանափակվել է: Հատակը կնորոգվի հաջորդ տարի։
Սանահին վանական համալիրի Սուրբ Ամենափրկիչ եկեղեցու տարածքը մասնակի բարեկարգվել է, ճիմապատվել, կառուցվել է հենապատ։
Սբ. Ամենափրկիչ եկեղեցու ներսում ջրերի շարունակական ներթափանցումն ու կաթոցները վերացվել են։