Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիսավորությամբ նշվել է Վլադիմիր Ռապացկու 95-ամյակը
18.12.2023
Լոռու մարզպետի աշխատակազմի կրթության, մշակույթի, սպորտի վարչության պետ Արամ Գրիգորյանը, մարզպետի խորհրդական Կարեն Ավետիսյանը, մարզպետի աշխատակազմի պատասխանատու այլ պաշտոնայներ, ներկա են գտնվել վաստակաշատ դիրիժոր և մանկավարժ, զինվորական և քաղաքային փողային նվագախմբերի հիմնադիր և ղեկավար Վլադիմիր Ռոմանի Ռապացկու 95-ամյակին նվիրված հոբելյական համերգին։
Միջոցառմանը մասնակցել են նաև Վանաձորի համայնքապետարանի ներկայացուցիչները, վարպետի աշակերտները, հարազատներն ու ընկերները:
Վ. Ռապացկին պատկառելի տարիքում նույնիսկ աշխատում է Վանաձորի Մ. Թավրիզյանի անվան արվեստի պետական քոլեջում, նաև Կոմիտասի անվան արվեստի դպրոցի փողային և հարվածային գործիքների բաժնի վարիչն է:
Կարեն Ավետիսյանը իր և Լոռու մարզպետ Արամ Խաչատրյանի անունից շնորհավորել է մաեստրոյին՝ մաղթելով քաջառողջություն, երկարակեցություն և ամենայն բարիք:
Դասական նվագախմբային արվեստի զարգացման, սերունդների կրթության և դաստիարակության մեջ մեծ նպաստի, բազմամյա դիրիժորական և մանկավարժական գործունեության համար Լոռու մարզպետի կողմից մաեստրոյին շնորհավորագիր է հանձնվել։
