Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հարգանքի տուրք երկրաշարժի անմեղ զոհերի հիշատակին
07.12.2023
Վանաձորի Սուրբ Մարիամ Աստվածածին եկեղեցու Սրբոց Նահատակաց պուրակում` 1988 թ.-ի երկրաշարժի զոհերի հիշատակին նվիրված խաչքարի մոտ, կատարվեց հոգեհանգստյան կարգ՝ ի հիշատակ աղետի անմեղ զոհերի:
Արարողությանը ներկա էին Լոռու մարզպետ Արամ Խաչատրյանը, Վանաձոր համայնքի ղեկավարի պաշտոնակատար Արկադի Փելեշյանը, ավագանու անդամներ, պաշտոնատար անձինք:
Աղոթք բարձրացվեց առ Աստված՝ երկրաշարժի զոհերի հոգիների խաղաղության համար, ապա՝ ներկաները ծաղիկներ խոնարհեցին զոհերի հիշատակը հավերժացնող խաչքարին:
Մարզի ղեկավարը լրագրողների հետ զրույցում իր ցավակցական խոսքն ուղղեց բոլոր այն ընտանքիներին, ովքեր կորուստներ են ունեցել.
- Ուզում եմ բոլորիս մաղթել, որ երբեք, այլևս երբեք նման արհավիրքներ չլինեն ու մեր ժողովուրդն ընթանա անխախտ զարգացման ու բարեկեցության ուղով,-ասաց Ա. Խաչատրյանը:
