Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քննարկվեցին առողջապահության ոլորտին առնչվող մի շարք օրախնդիր հարցեր
17.11.2023
Լոռու մարզպետի աշխատակազմի առողջապահության և սոցիալական ոլորտի հարցերի վարչության մասնագետների, մարզի առողջապահական հիմնարկների ղեկավարների, ՀՎԿԱԿ «Լոռի» մասնաճյուղի տնօրեն Անժելա Հովհաննիսյանի, Զորակոչային և զորահավաքային համալրման ծառայության Լոռու մարզի տարածքային ստորաբաժանման պետ Սամվել Գևորգյանի և պատասխանատու այլ պաշտոնյաների մասնակցությամբ խորհրդակցություն էր հրավիրվել Լոռու մարզպետարանում:
Նիստը վարում էր Լոռու մարզպետի աշխատակազմի առողջապահության և սոցիալական ոլորտի հարցերի վարչության պետ Ռուզաննա Պողոսյանը:
Օրակարգի առաջին հարցով քննարկվեցին նախազորակոչային տարիքի անձանց հետազոտությունների, ուղեգրման հետ կապված մի շարք հարցեր: Կարևորվեց բուժհաստատությունների և զորահավաքային համալրման ծառայության սերտ համագործակցության անհրաժեշտությունը:
Ակտիվ քննարկում ծավալվեց նաև համաբուժարանների և առողջության պահպանման առաջնային մյուս օղակների կողմից կանխարգելիչ պատվաստումների իրականացման գործընթացի պատշաճ կազմակերպման շուրջ: Ռ. Պողոսյանն ընդգծեց քաղաքացիներին պլանային պատվաստումների վերաբերյալ պատշաճ իրազեկման կարևորությունը:
Վարչության պետը Լոռու մարզպետ Արամ Խաչատրյանի անունից շնորհակալություն հայտնեց մարզի բոլոր բուժաշխատողներին՝ Լեռնային Ղարաբաղից բռնի տեղահանված քաղաքացիներին այս ընթացքում բուժսպասարկում, մարդասիրական օգնություն տրամադրելու և բարեխիղճ աշխատանքի համար:
Քննարկվեցին նաև այլ հարցեր, տրվեցին հանձնարարականներ:
