Տեղեկատվական կենտրոն
Նորություններ
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԼՈՌՈՒ ՄԱՐԶԻ ԱՐԵՎԱԾԱԳԻ ԿԱՐՈ ՄԵԼԻՔՍԵԹՅԱՆԻ ԱՆՎԱՆ ՄԻՋՆԱԿԱՐԳ ԴՊՐՈՑ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ԿԱՆՈՆԱԴՐՈՒԹՅԱՆ ՓՈՓՈԽՈՒԹՅՈՒՆԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏ
28.07.2023
![](http://lori.mtad.am/files/n_pics/35807_s.jpg)
Այսօր Լոռու մարզպետի տեղակալ Հովհաննես Ավետիսյանը խորհրդակցություն անցկացրեց Վանաձորի համայնքապետարանի աշխատակազմի քարտուղարի պաշտոնակատար Հայկ Վիրաբյանի, Եկամուտների հաշվառման, հավաքագրման և գովազդի բաժնի պետի պաշտոնակատար Արմեն Այվազյանի, Առևտրի, սպասարկման և տրանսպորտի բաժնի պետի պաշտոնակատար Արման Մովսիսյանի մասնակցությամբ: Խորհրդակցությանը ներկա էր նաև Լոռու մարզպետի աշխատակազմի ֆինանսական վարչության պետ Մերի Դալլաքյանը:
Խորհրդակցության ընթացքում անդրադարձ կատարվեց համայնքի սեփական եկամուտների հավաքագրման գործընթացին, տարբեր հարկատեսակների հավաքագրման մասով առաջացող ընթացիկ խնդիրներին:
Մ. Դալլաքյանը զեկուցեց, որ 6 ամսվա կտրվածքով Վանաձորի համայնքապետարանի սեփական եկամուտների հավաքագրման ցուցանիշը պլանի նկատմամբ կազմել է 56,1 տոկոս, ինչն, ըստ էության, գոհացնող ցուցանիշ է: Հարկերի հավաքագրման առումով առաջընթաց է նկատվում բոլոր հարկատեսակների մասով, սակայն կարևոր է նաև նախկին տարիներից կուտակված պարտքերի հավաքագրումը՝ հատկապես հողի հարկի և գույքահարկի:
Անդրադառնալով նշված խնդրին՝ Հովհաննես Ավետիսյանը հորդորեց հարկ եղած դեպքում կոշտ միջոցներ կիրառել, գումարների գանձումը ներկայացնել հարկադիր կատարման, որպեսզի անպարտաճանաչ հարկատուները գիտակցեն, որ անվերջ չեն կարող խուսափել իրենց պարտավորությունները կատարելուց:
-Մեր հանրությունը պետք է հստակ գիտակցի, թե ինչ նպատակով են ծախսվում իրենց վճարած հարկերը: Եթե հարկատուներն անպարտաճանաչ գտնվեն, ապա հնարավոր չի լինի իրականացնել սուբվենցիոն ծրագրեր, համայնքը չի կարող նաև մասնակցել տարբեր այլ ծրագրերի, ինչից բնականաբար կտուժի համայնքը: Սա մենք թույլ տալ չենք կարող,- ասաց փոխմարզպետը: Համայնքապետարանի պաշտոնյաները վստահեցրին, որ լուրջ և հետևողական աշխատանքներ են տարվում նաև հին պարտքերի գանձման ուղղությամբ, ինչն արդեն տալիս է իր արդյունքը:
Հ. Ավետիսյանը և Մ. Դալլաքյանը հույս հայտնեցին, որ տարեվերջին ցուցանիշը հնարավոր կլինի հասցնել 120 տոկոսի: