Տեղեկատվական կենտրոն
Նորություններ
«Լուսաբաց» մեկնեց ճամբարականների երկրորդ հերթափոխը
20.07.2023
![](http://lori.mtad.am/files/n_pics/35723_s.jpg)
ՀՀ պետական բյուջեի միջոցներով իրականացվող «Դպրոցականների ամառային հանգuտի կազմակերպում» ամենամյա ծրագրով՝ այսօր Լոռու մարզի տարբեր համայնքներից Հանքավանի «Լուսաբաց» ճամբար մեկնեց ճամբարականների երկրորդ հերթափոխը՝ ևս 150 երեխա:
Աշխատանքները համակարգեցին և երեխաներին բարի ճանապարհ մաղթեցին Լոռու մարզպետի տեղակալ Գոռ Ասրյանը, Լոռու մարզպետի աշխատակազմի կրթության, մշակույթի և սպորտի վարչության մասնագետները: Ողջունելով ճամբարականներին՝ նրանց մաղթեցին անմոռանալի հանգիստ, վառ և տպավորիչ հիշողություններ և նշեցին, որ պետական աջակցությամբ տարիներ շարունակ իրականացվող այս ծրագիրը նպատակ ունի երեխաներին պարգևել ամառային անհոգ առօրյա:
Ծնողներն էլ իրենց հերթին շնորհակալություն հայտենցին երեխաներին նման հնարավորություն տալու համար:
Հիշեցնենք, որ 7-13 տարեկանը չլրացած երեխաների ամառային հանգիստը կազմակերպվում է երկու հերթափոխով՝ 20-ական օրով: Առաջին հերթափոխի խումբը վերադարձել է, երկրորդ հերթափոխը կհանգստանա հուլիսի 20-ից օգոստոսի 8-ը:
ՀՀ կառավարության կողմից ամառային հանգստի կազմակերպման ծրագրում ընդգրկվել են սոցիալական տարբեր խմբերի պատկանող ընտանիքների դպրոցահասակ երեխաները:
Հիշեցնե՛նք, որ այս ծրագրի շրջանակներում այս տարի ճամբարում իրենց հանգիստը կանցկացնի ընդամենը 300 դպրոցական: