Լոռու մարզպետի աշխատակազմ

Վարժանքին հետևում էին Լոռու մարզպետի տեղակալ Գոռ Ասրյանը, ՀՀ ՆԳՆ փրկարար ծառայության տնօրեն, Ներքին գործերի նախարարի տեղակալ, գնդապետ Կամո Ցուցուլյանը, Լոռու մարզային փրկարարական վարչության պետ Սերոբ Գաբրիելյանը, մարզային և համայնքային իշխանությունների, շահագրգիռ կառույցների ներկայացուցիչներ: Ուսումնավարժության նպատակն էր բարձրացնել հրշեջ-փրկարարական ջոկատների գիտելիքները անտառային և խոտածածկ տարածքներում հրդեհաշիջման աշխատանքների կազմակերպման և իրականացման ժամանակ, ինչպես նաև ամրապնդել համագործակցությունը պատասխանատու այլ կառույցների հետ։
Ուսումնավարժությանը ներգրավված էին մարզի հրշեջ-փրկարարական ջոկատների անձնակազմերը, «Լոռէ փրկարար ջոկատ» հասարակական կազմակերպության, Հայկական Կարմիր խաչի ընկերության Ստեփանավանի տարածքային մասնաճյուղի անդամները, ռուս-հայկական հումանիտար արձագանքման կենտրոնի ներկայացուցիչները, «Ստեփանավանի անտառտնտեսություն» մասնաճյուղի աշխատակիցներ և կամավորներ։
Ուսումնավարժության սցենարի համաձայն՝ Ստեփանավանի կիրճ կոչվող տարածքի մի քանի հատվածներում հրդեհ էր բռնկվել, կային նաև պայմանական տուժածներ: Համապատասխան ծառայությունների և կամավորական խմբերի մասնակցությամբ դժվարամատչելի տարածքների հրդեհները մարվեցին, ծխահարված և այրվածքներ ստացած տուժածներին ցուցաբերվեց անհրաժեշտ բուժօգնություն։
Հրդեհաշիջման աշխատանքներին մասնակցում էին փրկարար ծառայության մեքենաները և նախարարության ուղղաթիռը։
Ուսումնավարժության ընթացքում մասնակից ստորաբաժանումների կողմից բոլոր առաջադրանքները կատարվեցին պատշաճ կերպով։