Լոռու մարզպետի աշխատակազմ

Վանաձորի «Կենտրոն» համալիր մարզադպրոցում անցկացվեց հանրակրթական դպրոցների 1-3 դասարանցիների «Սպորտլանդիա» մարզական միջոցառման Լոռու մարզային փուլը, որին մասնակցեցին համայնքային փուլում 1-ին և 2-րդ տեղեր գրաված դպրոցների հավաքական թիմերը:
Լարված և դիտարժան պայքարի արդյունքում 3-րդ տեղ գրավեց Տաշիրի թիվ 1 հիմնական դպրոցի թիմը, 2-րդ տեղ՝ Ալավերդու թիվ 4 հիմնական դպրոցի թիմը, հաղթող ճանաչվեց և մարզը հանրապետական փուլում կներկայացնի Տաշիր համայնքի Լեռնահովիտի միջնակարգ դպրոցի հավաքական թիմը:
Մրցանակները հանձնեց մարզպետի աշխատակազմի կրթության, մշակույթի և սպորտի վարչության պետ Արամ Գրիգորյանը: Նա բոլոր մասնակիցներին ողջունեց և շնորհավորեց նաև Լոռու մարզպետ Արամ Խաչատրյանի անունից՝ մաղթելով մարզական նորանոր հաղթանականեր: