Տեղեկատվական կենտրոն
Նորություններ
Հովնան Սրբազանին տարեդարձի կապակցությամբ հանդիսավոր միջոցառում էր կազմակերպվել
06.03.2023
![](http://lori.mtad.am/files/n_pics/34344_s.jpg)
Վանաձորի Սուրբ Գրիգոր Նարեկացի առաջնորդանիստ մայր եկեղեցու դահլիճում Գուգարաց թեմի առաջնորդ Գերաշնորհ Տեր Հովնան եպիսկոպոս Հակոբյանի ծննդյան օրվա կապակցությամբ կազմակերպվել էր միջոցառում:
Սրբազանի ծննդյան 45-ամյակին նվիրված միջոցառմանը ներկա էին Լոռու մարզպետ Արամ Խաչատրյանը, մարզպետի տեղակալ Գոռ Ասրյանը, Վանաձորի համայնքապետի պաշտոնակատար Արկադի Փելեշյանը, մարզային և քաղաքային իշխանության ներկայացուցիչներ, հոգևորականներ, պաշտոնյաներ, մտավորականներ, բազմաթիվ հավատացյալներ և հյուրեր:
Միջոցառումն ուղեկցվում էր Վանաձորի կամերային նվագախմբի և կամերային երգչախմբի կատարումներով, Սրբազանին ուղղված՝ շնորհավորանքի և գնահատանքի ելույթներով:
Մարզպետ Արամ Խաչատրյանը, շնորհավորելով թեմակալ առաջնորդին հերթական տարեդարձի կապակցությամբ, բարձր գնահատեց նրա ներդրումը Լոռու մարզում հոգևոր մշակույթի զարգացման, քրիստոնեական դաստիարակության, ազգային ավանդույթների պահպանման գործում:
«Մաղթում եմ Ձեզ քաջառողջություն, տոկունություն, արևշատություն և մեծ եռանդ՝ Ձեր ստանձնած անձնվեր ու աստվածահաճո գործը շարունակելու համար»,- նշված էր Լոռու մարզպետի՝ թեմի առաջնորդին ուղղված շնորհավորագրում։
Մարզի ղեկավարը նաև նվեր հանձնեց Հովնան Սրբազանին:
Իր շնորհակալական խոսքում Գուգարաց թեմի առաջնորդը նշեց, որ երջանիկ է հենց այս տարածաշրջանում ծառայելու համար և երջանկահիշատակ Սեպուհ Սրբազանի խոսքով ավարտեց իր ելույթը.
-Շեն մնա Գուգարաց թեմը: