Տեղեկատվական կենտրոն
Նորություններ
Լոռու մարզպետարանին կհատկացվի ավելի քան 49 միլիոն դրամ ավարտին հասցված սուբվենցիոն ծրագրերի կատարողականների վճարումների նպատակով
23.02.2023
![](http://lori.mtad.am/files/n_pics/34244_s.jpg)
Այսօր ՀՀ Կառավարության նիստում կայացված համապատասխան որոշմամբ Լոռու մարզպետարանին կհատկացվի 49 միլիոն 827 հազար դրամ՝ Լոռու մարզում 2021-2022 թվականներին հաստատված և այս տարի ավարտին հասցված 3 ծրագրերի կատարողականների վճարման նպատակով:
Այդ ծրագրերն են՝
Սպիտակ համայնքի Սարահարթի 10-րդ, 15-րդ և 16-րդ փողոցների ոռոգման համակարգի կառուցում (20 միլիոն 818 հազար դրամ),
Սպիտակ համայնքի Գոգարան բնակավայրի կենտրոնական փողոցից դեպի գերեզմանատուն տանող ճանապարհի սալարկում և տուֆապատման միջոցով կառուցում (17 միլիոն 605 հազար դրամ),
Գյուլագարակ համայնքի Գյուլագարակ, Կուրթան և Հոբարձի բնակավայրերի ճանապարհների ասֆալտապատում (11 միլիոն 404 հազար դրամ):