Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Նվերներ ստացան մարզի սոցիալապես անապահով ընտանիքների շուրջ 200 երեխաներ
30.01.2023
ՌԴ Պյատիգորսկ քաղաքի հայ համայնքի «Միասին ուժ ենք» հայկական նախաձեռնության ղեկավար Քրիստինա Մարգարյանի և նրա բարերար համախոհների շնորհիվ այսօր նվերներ ստացան Լոռու մարզի սոցիալապես անապահով ընտանքիների շուրջ 200 երեխաներ: Նրանց համար նաև միջոցառում էր կազմակերպվել՝ մուլտհերոսների մասնակցությամբ:
Ներկա էին Լոռու մարզպետի տեղակալ Հովհաննես Ավետիսյանը, Լոռու մարզպետի խորհրդական Տիգրան Հովսեփյանը, պատասխանատու պաշտոնյաներ:
Բարերարն իր ծրագիրն իրագործելու համար դիմել էր Լոռու մարզպետարան: Համապատասխան մասնագետները տրամադրել էին կարիքավոր ընտանիքների երեխաների տվյալները և նրանց հրավիրել ուրախ միջոցառման: Տոնական ցերեկույթի ընթացքում, ուրախ մուլտհերոսների օգնությամբ երեխաներն ստացան իրենց նվերները՝ նոր և տաք հագուստ բարերարի կողմից:
Նման ծրագրեր բարեգործն իրականացրել է նաև Տավուշի մարզում և Երևանում: Քրիստինա Մարգարյանի ջանքերով դեռևս 44-օրյա պատերազմի ողջ ընթացքում Հայաստան և Արցախ է ուղարկվել մեծաքանակ հումանիտար օգնություն:
- Այն ժամանակ մենք մեր զինվորների կողքին էինք, այժմ կարիքավոր երեխաների, ծրագիրը շարունական է- իր խոսքում ասաց բարերարը:
Միջոցառման ընթացքում փոխմարզպետ Հովհաննես Ավետիսյանը Լոռու մարզում բարեգործական ծրագրեր իրականացնելու և արդյունավետ համագործակցության համար «Միասին ուժ ենք» հայկական նախաձեռնության ղեկավար Քրիստինա Մարգարյանին Լոռու մարզպետ Արամ Խաչատրյանի անունից պարգևատրեց շնորհակալագրով:
