Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Զինծառայության մեկնեցին Տաշիր, Ստեփանավան, Լոռի Բերդ և Գյուլագարակ խոշորացված համայնքների այս տարվա առաջին նորակոչիկները
18.01.2023
Մարզում ձմեռային զորակոչը շարունակվում է, և այսօր պարտադիր ժամկետային ծառայության մեկնեցին Տաշիր, Ստեփանավան, Լոռի Բերդ և Գյուլագարակ խոշորացված համայնքների նորակոչիկները:
Նրանց ճանապարհեցին և բարի ծառայություն մաղթեցին Լոռու մարզպետի տեղակալ Գոռ Ասրյանը, մարզային և համայնքային իշխանությունների ներկայացուցիչները, հարազատները, ընկերները։
Մարզպետի տեղակալը տղաներին մաղթեց անվտանգ ծառայություն՝ վստահ լինելով, որ հայրենիքի սահմանների անառիկությունը հուսալի ձեռքերում է։
- Համոզված եմ՝ հայրենիքի պաշտպանության սուրբ գործին ծառայելով՝ դուք դառնալու եք հայ զինվորականի լավագույն ավանդույթների, մեր նախնիների արդար գործի արժանի շարունակողները, և ձեր ծնողներն իրենց զավակներով հպարտանալու բազմաթիվ առիթներ են ունենալու,-ասաց նա:
Նորակոչիկներին օրհնանքի խոսքեր հղեցին նաև հոգևոր հայրերը: Զինկոմիսարիատների և համայնքների ղեկավարների կողմից տղաներին հանձնվեցին հիգիենիկ պարագաների փաթեթներ և հուշանվերներ:
