Լոռու մարզպետի աշխատակազմ

Լոռու մարզպետ Արամ Խաչատրյանն այսօր մարզպետարանի պատասխանատու պաշտոնյաների, կառուցվածքային ստորաբաժանումների ղեկավարների մասնակցությամբ անցկացրեց տարեվերջյան խորհրդակցություն։
Ամփոփ կերպով ներկայացվեցին տարվա ընթացքում իրականացված աշխատանքները, ձեռքբերումները, արձանագրված խնդիրները։
Մարզի ղեկավարը ներկաներին շնորհակալություն հայտնեց իրականացված աշխատանքների համար՝ ընդգծելով, որ տարին դյուրին չի եղել, սակայն խնդիրները հաղթահարվել են և ձեռքբերումները հնարավոր են դարձել աշխատակազմի պատասխանատու աշխատանքի շնորհիվ:
Նա հույս հայտնեց, որ գալիք տարում ձեռքբերումները կկրկնապատկվեն՝ շնորհիվ ներդրված առավել մեծ ջանքերի։ Արամ Խաչատրյանը շնորհավորեց մարզպետարանի աշխատակազմին Ամանորի և Սուրբ Ծննդյան տոների կապակցությամբ՝ մաղթելով խաղաղություն և ամենայն բարիք։