Տեղեկատվական կենտրոն
Նորություններ
Անցակցվեց Լոռու մարզի «Գենդերային հարցերով զբաղվող մշտական գործող հանձնաժողովի» նիստը
20.12.2022
![](http://lori.mtad.am/files/n_pics/33746_s.jpg)
Այսօր Լոռու մարզպետարանում անցկացվեց Լոռու մարզի «Գենդերային հարցերով զբաղվող մշտական գործող հանձնաժողովի» նիստը, որը վարում էր հանձնաժողովի նախագահ, Լոռու մարզպետի տեղակալ Հովհաննես Ավետիսյանը: Վերջինս հանդես եկավ բացման խոսքով և ողջունեց ներկաներին՝ կարևորելով նմանատիպ քննարկումները ոլորտում առկա խնդիրների բարձրաձայնման և լուծման ուղիներ գտնելու առումով:
Բացման խոսքով հանդես եկավ նաև մարզպետարանի ընտանիքի, կանանց և երեխաների իրավունքների պաշտպանության բաժնի պետ Իրինա Մարտիրոսյանը:
«Համալսարանական կրթությամբ կանանց ասոցիացիայի» Լոռու մասնաճյուղի նախագահ, հանձնաժողվի անդամ Նինա Հովհաննիսյանը ներկայացրեց կազմակերպության կողմից իրականացվող «Նախաձեռնողական մասնակցությունը ժողովրդավարության կայացմանը. թափանցիկ կառավարում տեղական մակարդակում» ծրագիրը:
«Վիննեթ Վանաձոր» հասարակական կազմակերպության նախագահ, հանձնաժողվի անդամ Հռիփսիմե Միրզոյանը ևս հանդես եկավ կազմակերպության կողմից իրականացվող դրամաշնորհային ծրագրերի ներկայացմամբ՝ նշելով, որ դրանք ուղղված են գյուղական կանանց տնտեսական անվտանգությանը, ձեռներեցությանը և իրավահավասար մասնակցությանը միջսահմանային առևտրային գործարքներին և գործարար կապերին՝ հնարավորություն տալով դրանց ընդլայնմանը, մասնակցությանը և առաջնորդությանը տնտեսական կյանքում այնպես, որ դրանք կնպաստեն խաղաղությանն ու կայունությանը: Կազմակերպությունների ներկայացուցիչներն առաջարկեցին քննարկումներ ծավալել մարզպետարանի համապատասխան ստորաբաժանումների մասնակցությամբ՝ առկա ծրագրերն ավելի թիրախային և արդյունավետ դարձնելու նպատակով:
Հ. Ավետիսյանը հանձնարարեց առավել ակտիվորեն համագործակցել, փոխանակվել անհրաժեշտ տեղեկատվությամբ՝ աջակցության ծրագրերն ավելի լայն մասսաներին հասանելի դարձնելու և կրկնություններից խուսափելու նպատակով: