Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Անցկացվեց Լոռի Բերդ համայնքի ավագանու առաջին նիստը
15.11.2022
Լոռի Բերդ համայնքի համայնքապետարանում անցկացվեց համայնքի ավագանու՝ օրենքի ուժով գումարված առաջին նիստը՝ ավագանու բոլոր 15 անդամների մասնակցությամբ։
Նիստին ներկա էին Լոռու մարզպետի տեղակալ Գոռ Ասրյանը, մարզպետարանի պատասխանատու պաշտոնյաներ:
Նիստի օրակարգային հարցերից էր Լոռի Բերդ համայնքի ղեկավարի երդման արարողության կարգի հաստատումը, Լոռի Բերդի համայնքապետարանը և ավագանու նստավայրը ժամանակավորապես տեղափոխելու հարցը և ավագանու առաջին նստաշրջանի հերթական նիստի օրվա և ժամանակի սահմանումը։ Հանդիսավորությամբ բաշխվեցին նաև ավագանու մանդատները։
Գ. Ասրյանը շնորհավորեց համայնքի ղեկավար Արայիկ Ներսիսյանին և նորընտիր ավագանու բոլոր անդամներին՝ մաղթելով բեղուն և արգասաբեր աշխատանք` ի շահ Լոռի Բերդ խոշորացված համայնքի։
