Լոռու մարզպետի աշխատակազմ

Ինչպես արդեն հայտնել ենք, Լոռու մարզի պատվիրակությունը՝ մարզպետ Արամ Խաչատրյանի գլխավորությամբ, հունիսի 29-ին և 30-ին Ֆրանսիայում մասնակցել է Լիոնում անցկացվող Հայ-ֆրանսիական ապակենտրոնացված համագործակցության չորրորդ համաժողովին, որի շրջանակներում Լոռու մարզի պատվիրակությունը տարբեր հանդիպումների ընթացքում մի շարք ֆրանսիական կազմակերպությունների հետ պայմանավորվածություններ է ձեռք բերել՝ համագործակցելու առողջապահության, կրթության, գյուղատնտեսության, զբոսաշրջության ոլորտներում, ինչպես նաև տարբեր քաղաքների հետ՝ համատեղ ծրագրեր իրականացնելու նպատակով( http://lori.mtad.am/news/item/2022/06/30/NEWS1 http://lori.mtad.am/news/item/2022/07/01/NEWS17/):
Այսօր այցի ամփոփման և գործակցության հնարավոր ուղղությունների քննարկման նպատակով խորհրդակցություն էր հրավիրվել Լոռու մարզպետարանում՝ մարզպետի տեղակալ Հովհաննես Ավետիսյանի գլխավորությամբ:
Այցի արդյունքների վերաբերյալ ամփոփ վերլուծությամբ հանդես եկավ մարզպետարանի զարգացման ծրագրերի, զբոսաշրջության և վերլուծության բաժնի պետ Հասմիկ Մկրտչյանը:
Մարզպետարանի համապատասխան ստորաբաժանումներին հանձնարարվեց ֆրանսիական կողմի հետ գործակցության նպատակով առաջարկություններ ներկայացնել վերը նշված ուղղությունների հետ կապված՝ շեշտը դնելով փոխշահավետ համագործակցության, երիտասարդ կադրերի, մասնագետների վերապատրաստման, փորձի փոխանակման և համատեղ ծրագրերի իրականացման վրա: