Տեղեկատվական կենտրոն
Նորություններ
Հանրային քննարկումներ՝ Մայր օրենքի բարեփոխումների վերաբերյալ
24.06.2022
![](http://lori.mtad.am/files/n_pics/32287_s.jpg)
Լոռու մարզպետարանի նիստերի դահլիճում Սահմանադրական բարեփոխումների մասնագիտական հանձնաժողովը՝ սահմանադրական բարփոխումների հայեցակարգը, ապա նաև՝ Սահմանադրության փոփոխություների նախագիծը մշակելու նպատակով Լոռու մարզպետարանի հետ միասին նախաձեռնել էր քննարկում:
Քննարկումը վարում էր Սահմանադրական բարեփոխումների մասնագիտական հանձնաժողովի խորհրդի անդամ Լուսինե Հակոբյանը: Քննարկմանը մասնակցում էին Լոռու մարզպետարանի Տեղական ինքնակառավարման և հանրապետական գործադիր մարմինների հարցերով վարչություն պետ Մհեր Խեչումյանը, Լոռու մարզպետարանի համապատասխան ստորաբաժանումների, ինչպես նաև մարզի ՏԻՄ-երի, ՀԿ-ների, շահագրգիռ կառույցների ներկայացուցիչներ:
Կարևորելով հանրության կարծիքը՝ Սահմանադրական բարեփոխումների մասնագիտական հանձնաժողովն ըստ աշխատանքային պլանի անցկացնում է հանրային մասնագիտական լայն քննարկումներ՝ իմանալու կա՞ արդյոք սահմանադրական փոփոխությունների անհրաժեշտություն և ի՞նչ առաջարկներ ունի հանրությունը: Սահմանադրական բարեփոխումների մասնագիտական հանձնաժողովը մինչև սեպտեմբերի 10-ը կկատարի ուսունասիրություններ, կհավաքագրի բոլոր կարծիքներն ու առաջարկությունները, վեր կհանի և կհամադրի առկա խնդիրները և վերջնական արդյունքում մշակված տեղեկատվությունը կներկայացնի սահմանադրական բարեփոխումների խորհրդի քննարկմանը:
Լոռու մարզպետարանի ՏԻ և ՀԳՄ հարցերով վարչություն պետ Մհեր Խեչումյանը մեծապես կարևորեց Մայր օրենքի բարեփոխումների մասով՝ հանրության հետ լայն քննարկումներ սկսելու գործընթացը և նշեց, որ այն օգտակար կլինի բարեփոխումների հետագա ընթացքն ավելի սահուն և նպատակային անցկացնելու համար։