Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Լավագույն ուսանող» Միհրան Սիսակյանը պարգևատրվեց Լոռու մարզպետի շնորհավորագրով
18.03.2022
Լոռու մարզպետ Արամ Խաչատրյանն այսօր հյուրընկալեց ՀՀ կրթության, գիտության, մշակույթի և սպորտի նախարարության կողմից կազմակերպված «Լավագույն ուսանող-2021» մրցույթում հաղթող ճանաչված ԵՊՀ 3-րդ կուրսի ուսանող, Սպիտակի բնակիչ Միհրան Սիսակյանին։ Բակալավրի կրթական ծրագրով «Լավագույն ուսանող» հանրապետական մրցույթում՝ հասարակագիտության ոլորտում, Միհրան Սիսակյանը գրավել է առաջին տեղը։
Մարզի ղեկավարը, շնորհավորագիր հանձնելով ուսանողին, նշեց, որ առանձնակի հպարտություն է «Լավագույն ուսանող» մրցույթում տեսնել մեծ թվով լոռեցի ուսանողների։
- Կրթությունն ու գիտությունը մեր երկրի զարգացման կարևորագույն հենասյուներից են։ Յյուրաքանչյուր նման հաջողություն ոգևորիչ է մեզ համար։ Հույս ունեք, որ Ձեր օրինակը վարակիչ կլինի նաև մյուս երիտասարդների համար,- ասաց Ա․ Խաչատրյանը։
Շնորհալի ուսանողին շնորհավորանքի խոսքեր հղեց նաև Լոռու մարզպետարանի կրթության, մշակույթի և սպորտի վարչության պետ Արամ Գրիգորյանը։
Շնորհակալություն հայտնելով գնահատանքի համար՝ Միհրանը վստահեցրեց, որ գիտելիքները ծառայեցնելու է ի նպաստ հայրենիքի զարգացման։
