Տեղեկատվական կենտրոն
Նորություններ
Ամփոփվեցին ԱԻՆ Լոռու մարզային փրկարարական վարչության 2021թ.-ի աշխատանքները
13.01.2022
![](http://lori.mtad.am/files/n_pics/30746_s.jpg)
ՀՀ ԱԻՆ Լոռու մարզային փրկարարական վարչությունում այսօր տեղի ունեցավ 2021 թվականի ընթացքում արտակարգ իրավիճակներում մարզի բնակչության պաշտպանության ու քաղաքացիական պաշտպանության ոլորտներում ԱԻՆ Լոռու մարզային փրկարարական վարչության կողմից իրականացված աշխատանքների հաշվետու նիստը: 2021 թվականի տարեկան աշխատանքները ներկայացրեց Լոռու մարզային փրկարարական վարչության պետ, փրկարարական ծառայության գնդապետ Սերոբ Գաբրիելյանը:
Նիստին ներկա էին ՀՀ ԱԻՆ փրկարար ծառայության տնօրենի տեղակալ, փ/ծ գնդապետ Տիգրան Պետրոսյանը, Լոռու մարզպետի տեղակալ Գոռ Ասրյանը, մարզպետարանի ստորաբաժանումների ղեկավարներ, Լոռու մարզային փրկարարական վարչության պատասխանատուները, շահագրգիռ այլ կառույցների ներկայացուցիչներ:
Ըստ հաշվետու զեկույցի՝ 2021 թ.-ի ընթացքում Լոռու մարզում գրանցվել է 1324 արտակարգ դեպք և պատահար, որոնց հետևանքով զոհվել է 47, մար¬մնական վնասվածքներ ստացել՝ 1053 անձ: Գրանցված դեպքերի մեծ մասը սոցիալ-կենցաղային բնույթի են եղել:
Նախորդ տարվա համե¬մա¬տու¬թ¬յամբ՝ գրանցված արտա¬կարգ դեպքերն աճել են 12,5 տոկոսով:
Ներկայացվեց նաև արտակարգ իրավիճակների արձագանքման, բնակչության պաշտպանության համակարգի օպերատիվ նախապատրաստման, քաղաքացիական պաշտպանության նախապատրաստման համակարգի, կանխարգելիչ միջոցառումների, փրկարարական ուժերի պատրաստականության բարձրացման, նյութատեխնիկական ապահովման, պլանների և ծրագրերի մշակման և մի շարք այլ ուղղություններով իրականացված աշխատանքները:
ԱԻՆ փրկարար ծառայության տնօրենի տեղակալ Տիգրան Պետրոսյանն իր խոսքում Լոռու մարզային փրկարարական վարչության անձնակազմի անցած տարվա պատրատվածությունը, իրականացված աշխատանքները գնահատեց բավարար, շնորհակալություն հայտնեց մատուցած ծառայությունների, տքնաջան աշխատանքի, արդյունավետ համագործակցության համար: Բացթողումները չկրկնել և հաջորդ տարվա հաշվետվությունը ներկայացնելիս ունենալ առաջխաղացում բոլոր ուղղություններում:
Լոռու փոխմարզպետ Գոռ Ասրյանն իր և մարզպետ Արամ Խաչատրյանի անունից ԼՄՓՎ աշխատակիցներին նոր տարում մաղթեց խաղաղ ու անփորձանք ծառայություն: Նա ընդգծեց, որ մարզպետարան-ԱԻՆ համագործակցությունն անցած տարի իրականացվել է ամենաբարձր մակարդակով: Աշխատանքային պարտականությունները պատշաճ իրականացնելու, բարեխիղճ, պարտաճանաչ և արդյունավետ ծառայության համար նա Լոռու մարզպետի շնորհակալագրեր հանձնեց ԼՄՓՎ ՃԿԿ ավագ հրահանգիչ փ/ծ կապիտան Արտակ Պողոսյանին, փորձագետ Հեղինե Մովսեսյանին, Վանաձորի թիվ 1 ՀՓՋ-ի հրշեջ-փրկարար, փ/ծ սերժանտ Արմեն Հարությունյանին, Գուգարքի ՀՓՋ-ի հրշեջ-փրկարար, փ/ծ սերժանտ Մերուժան Եղինյանին, Թումանյանի ՀՓՋ-ի վարորդ, փ/ծ սերժանտ Արսեն Թանթուշյանին, Սպիտակի ՀՓՋ-ի վարորդ, փ/ծ սերժանտ Վահե Ղազարյանին:
-Դուք ձեր բարդ և անձնվեր աշխատանքը մեծ պատվով եք կատարում, - նշեց նա:
Հայտարարվեց նաև, որ ՀՀ Արտակարգ իրավիճակների նախարարի հրամանով Լոռու մարզային փրկարարական վարչության Վանաձորի թիվ 2 ՀՓՋ հրամանատարի տեղակալ փ/ծ մայոր Նարեկ Սերոբյանին շնորհվել է սպայական կոչում:
Լոռու մարզային փրկարարական վարչությունը ևս շնորհակալագրեր շնորհեց իր լավագույն աշխատակիցներին: