Տեղեկատվական կենտրոն
Նորություններ
Երազանքները՝ դեպի երկինք․ մարզպետարանի աշխատակիցներն այցելեցին «Սաբինե» փոքր խմբով տուն
30.12.2021
![](http://lori.mtad.am/files/n_pics/30669_s.jpg)
Այսօր Վանաձորում գործող «Սաբինե» փոքր խմբով տանը ամանորյա տոնական տրամադրություն էր տիրում։ Կենտրոնն ընտանեկան տիպի այլընտրանքային խնամքի ծառայություն է մատուցում առանց ծնողական խնամքի մնացած երեխաների համար:
Լոռու մարզպետարանի նախաձեռնությամբ երեխաներին ուրախ տրամադրություն փոխանցելու էին գնացել Լոռու մարզպետարանի ընտանիքի, կանանց և երեխաների իրավունքների պաշտպանության բաժնի աշխատակիցները, «Ուրախ արագիլ» կազմակերպության մուլտհերոսները:
Մարզի ղեկավար Արամ Խաչատրյանի անունից երեխաներին շնորհավորեց Լոռու մարզպետարանի ընտանիքի, կանանց և երեխաների իրավունքների պաշտպանության բաժնի պետ Իրինա Մարտիրոսյանը՝ մաղթելով նրանց սեր, անհոգություն և անսպառ ժպիտներ: Ի. Մարտիրոսյանը նաև շնորհակալություն հայտնեց կառույցի աշխատակազմին երեխաների նկատմամբ հոգատար և ջերմ վերաբերմունքի համար:
Տոնական միջոցառման ընթացքում փոքրիկները շուրջպար բռնեցին, ապա անձամբ Ձմեռ պապիկից ստացան իրենց նվերները: Նրանք նաև փուչիկների հետ իրենց երազանքները երկինք ուղարկեցին՝ իրականացած տեսնելու մեծ ակնկալիքով։