Լոռու մարզպետի աշխատակազմ

Հաշմանդամություն ունեցող անձանց հարցերով զբաղվող Լոռու մարզային հանձնաժողովը 2021թ. նոյեմբերի 15-ից մինչև դեկտեմբերի 15-ը հայտարարում է հաշմանդամություն ունեցող անձանց իրավունքների և հիմնահարցերի լուծմանը նվիրված միամսյակ, որի ընթացքում պետք է իրականացվեն մի շարք միջոցառումներ, մասնավորապես՝ կազմակերպվեն կլոր սեղան-քննարկումներ, հաշմանդամություն ունեցող անձանց ստեղծագործությունների ցուցահանդեսներ, համերգներ և այլն:
Իսկ զինվորական ծառայության ժամանակ հաշմանդամություն ձեռք բերած անձանց իրավունքների պաշտպանության և սոցիալական ներառման ուղղությամբ լավագույն ձեռնարկները կներառվեն Հաշմանդամություն ունեցող անձանց հարցերով Լոռու մարզային հանձնաժողովի օրակարգում և կխրախուսվեն:
Հաշմանդամություն ունեցող անձանց հիմնահարցերով զբաղվող հասարակական կազմակերպություններին և շահագրգիռ անձանց հրավիրում ենք միամսյակին ակտիվ մասնակցության և աջակցության:
Մանրամասն տեղեկությունների համար ՀԿ-ները կարող են դիմել ՀՀ Լոռու մարզպետա¬րանի առողջապահության և սոցիալական ապահովության վարչություն (դիմել՝ հեռ. /0322/ 2-33-99, թիվ 301 և 304 սենյակներ):

ՀՀ Լոռու մարզպետարան