Լոռու մարզպետի աշխատակազմ

Մեկնարկել են Հայ-ռուսական միջտարածաշրջանային 8-րդ ֆորումի աշխատանքները, որը կազմակերպվել է ՀՀ տարածքային կառավարման և ենթակառուցվածքների նախարարության և ՌԴ տնտեսական զարգացման նախարարության կողմից։
Ֆորումի շրջանակում այսօր անցկացվեցին կլոր սեղաններ հետևյալ թեմաներով՝
«Եվրասիական գործընկերության շրջանակներում Հայաստանի և Ռուսաստանի միջև տնտեսական համագործակցության զարգացման հեռանկարները»
«Արդյունաբերական կլաստերների ներուժը. համատեղ նախագծերի իրականացում»
« Պատմամշակութային զբոսաշրջության զարգացում»
«ՀՀ և ՌԴ մարզեր․կրթական և երիտասարդական համագործակցություն»
«Սոցիալ-տնտեսական միջտարածաշրջանային համագործակցության զարգացումը հետհամաճարակային շրջանում>>։
Կլոր սեղանների քննարկումներին այսօր մասնակցություն ունեցավ նաև Լոռու մարզպետարանի պատվիրակությունը՝ մարզպետի տեղակալ Գոռ Ասրյանի գլխավորությամբ։
Ֆորումի աշխատանքները կշարունակվեն նաև հոկտեմբերի 19֊ին և 20֊ին։
Հայ-ռուսական միջտարածաշրջանային ֆորումներն անցկացվում են 2011 թվականից, որի նպատակն է նպաստել երկու երկրների միջև միջտարածաշրջանային համագործակցության զարգացմանը։