Տեղեկատվական կենտրոն
Նորություններ
Արամ Խաչատրյանի ուշադրության կենտրոնում մեր հաղթանակած մարզիկներն էին
04.06.2021
![](http://lori.mtad.am/files/n_pics/28842_s.jpg)
Լոռու մարզպետ Արամ Խաչատրյանն այսօր ընդունեց Վանաձորի օլիմպիական հերթափոխի մենապայքարային մարզաձևերի մարզադպրոցի սաներ Գագիկ Ղազարյանին, Արեն Սերոբյանին, Վլադիմիր Ազարյանին, նրանց մարզիչներ Ժորա և Ժիրայր Հովհաննիսյաններին, ինչպես նաև մարզիկ Մհեր Մերջանյանին հերթական մարզական նվաճման առթիվ շնորհավորելու նպատակով:
Բուլղարիայի մայրաքաղաք Սոֆիայում կայացած դպրոցականների ազատ ըմբշամարտի Եվրոպայի առաջնությունում Արեն Սերոբյանը գրավել է երկրորդ տեղը, իսկ Գագիկ Ղազարյանը և Վլադիմիր Ազարյանը՝ երրորդ: Մհեր Մերջանյանը Կիպրոսում կայացած Եվրոպայի մեծահասակների մարտական սամբոյի առաջնությունում գրավել է 2-րդ պատվավոր տեղը:
Մարզի ղեկավարը շնորհակալություն հայտնեց մարզիկներին նման արդյունքներ գրանցելու և մարզի պատիվը բարձր պահելու, իսկ մարզիչներին՝ անձնվեր աշխատանքի ու տաղանդավոր մարզիկներ պատրաստելու համար՝ պարգևատրելով շնորհակալագրերով:
Ժորա Հովհաննիսյանն իր հերթին ներկաների անունից երախտագիտություն հայտնեց Արամ Խաչատրյանին մարզիկների խնդիրներն ուշադրության կենտրոնում պահելու ու մշտապես խրախուսելու համար: