Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Պարգևատրվեցին դպրոցական առարկայական օլիմպիադայի հանրապետական փուլի մրցանակակիրները

01.06.2021

 Այսօր Լոռու մարզային գրադարանում կազմակերպվել էր 2020-2021 ուստարվա դպրոցական առարկայական օլիմպիադաների հանրապետական փուլի դիպլոմակիրների պարգևատրումը:
Հանդիսավոր միջոցառմանը ներկա էին Լոռու մարզպետի տեղակալ Գոռ Ասրյանը, մարզպետարանի կրթության, մշակույթի և սպորտի վարչության պետ Արամ Գրիգորյանը, վարչության պաշտոնյաներ:
Դպրոցականներին շնորհավորեց և իր ու մարզպետ Արամ Խաչատրյանի անունից բարեմաղթանքի ջերմ խոսքեր հղեց Գոռ Ասրյանը: Նա հպարտությամբ շեշտեց, որ նախորդ ուստարվա համեմատությամբ այս ուստարում մրցանակակիրների թիվը ավելի քան կրկնապատկվել է 15-ից դառնալով 33, ինչը հպարտանալու առիթ է տալիս: Նա հույս հայտնեց, որ տարեցտարի մրցանակակիրների թիվը կավելանա:
Գոռ Ասրյանը Լոռու մարզպետի շնորհավորագրեր հանձնեց բոլոր մրցանակակիրներին և նրանց ուսուցիչներին:
*Լոռու մարզպետարանում այսօր պարգևատրվեցին նաև 2020-2021 ուստարվա դպրոցական առարկայական օլիմպիադաների հանրապետական փուլում բարձր արդյունքներ գրանցած և ԿԳՄՍ նախարարության գովասանագրերի արժանացած դպրոցականներն և նրանց ուսուցիչները: ՀՀ ԿԳՄՍ նախարար Վահրամ Դումանյանի կողմից աշակերտներին գովասանագրերը հանձնեց Լոռու մարզպետարանի կրթության, մշակույթի և սպորտի վարչության պետ Արամ Գրիգորյանը:
Խրախուսանքի արժանացան նաև նրանց ուսուցիչները:

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-29 18:23:14