Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հարգանքի տուրք՝ 1988թ. երկրաշարժի և Արևելյան Ճապոնիայում տեղի ունեցած ցունամիի զոհերի հիշատակին
27.05.2021
Ճապոնիայի նորանշանակ արտակարգ և լիազոր դեսպան Ֆուկուսիմա Մասանորին իր առաջին աշխատանքային այցն իրականացրեց Լոռու մարզ:
ՀՀ արտակարգ իրավիճակների նախարար Անդրանիկ Փիլոյանի և Լոռու մարզպետ Արամ Խաչատրյանի հետ դեսպանը եղավ Սպիտակ համայնքում՝ ծաղիկներ խոնարհելով նախ Սպիտակի կենտրոնական պուրակում տեղադրված 1988թ.-ի ավերիչ երկրաշարժի, ապա նաև՝ Արևելյան Ճապոնիայում տեղի ունեցած ցունամիի ու Ապրիլյան քառօրյա պատերազմում զոհված զինծառայողների խաչքարերին:
Այնուհետև մարզի ղեկավարը, նախարարն ու դեսպանը եղան Լոռու մարզի փրկարարական վարչության կողմից Վանաձորում անցկացվող քաղաքային որոնողափրկարարական թիմի վարժանքի իրականացման վայրում, որտեղ խաղարկվում էր երկրաշարժի հետևանքների վերացման տեսարան: Նրանք ծանոթացան տարվող աշխատանքներին:
