Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզի ղեկավարը պարգևատրեց Հայաստանի դյուցազնագրքի ռեկորդակիր Զորիկ Պողոսյանին և նրա մարզչին
14.05.2021
Այսօր Լոռու մարզպետ Արամ Խաչատրյանը շնորհակալագիր և դրամական պարգև հանձնեց Ուժային եռամարտի Եվրոպայի և աշխարհի բազմակի չեմպիոն, Հայաստանի դյուցազնագրքի ռեկորդակիր Զորիկ Պողոսյանին և նրա մարզիչ, Վանաձորի ծանրամարտի մարզադպրոցի տնօրեն Արեն Պալյանին:
Մարզի ղեկավարը Զ. Պողոսյանին շնորհավորեց և շնորհակալություն հայտնեց համաշխարհային նոր ռեկորդ սահմանելու և մարզի պատիվը բարձր պահելու համար:
-Մարզական բնագավառում մեր մարզիկների հաջողությունները չափազանց կարևոր են մեզ համար: Ձեզ և մեր բոլոր մարզիկներին մաղթում եմ հետագա հաջողություններ ու բարձունքներ, և թող ցանկացած մրցաշարում ձեր շնորհիվ միշտ ծածանվի հայոց եռագույնը,-ասաց Ա. Խաչատրյանը:
Զ. Պողոսյանն իր հերթին շնորհակալություն հայտնեց գնահատանքի և ջերմ խոսքերի համար և նշեց, որ նոր ձեռքբերումը առավել արժեքավոր է իր համար, քանի որ այն նվիրել է արցախյան պատերազմում զոհված հայորդիների հիշատակին՝ մասնավորապես իր ընկեր Սևակ Սերոբյանին և սան Մհեր Քոչինյանին:
