Տեղեկատվական կենտրոն
Նորություններ
Մարզի ղեկավարը երեխաներին հորդորեց լավ սովորել, որպեսզի երկրի ապագան, շնորհիվ մասնագիտական բարձր որակներ, մարդկային արժեքներ ունեցող պայծառ երիտասարդների, լինի հուսալի ձեռքերում
20.04.2021
![](http://lori.mtad.am/files/n_pics/28366_s.jpg)
Լոռու մարզպետ Արամ Խաչատրյանն այսօր հյուրընկալեց «Կյանքի հիմնարար հմտություններ դեռահասների համար ծրագրի» Վանաձորի խմբի մասնակիցներին, ովքեր օրեր առաջ ցանկություն էին հայտնել մարզի ղեկավարին ներկայացնելու ծրագրի շրջանակներում կատարված աշխատանքները և ուղղելու իրենց հետաքրքրող հարցերը:
Մարզի ղեկավարին շնորհակալություն հայտնելով հյուրընկալության համար՝
ծրագրի ղեկավար Գայանե Առաքելյանը և ներկայացուցիչ Լիլիթ Սինդոյանը ամփոփ կերպով ներկայացրեցին ծրագրի նպատակը և մինչ օրս իրականացված աշխատանքները: «Կյանքի հիմնարար հմտություններ դեռահասների համար» ծրագիրն իրականացվում է ՅՈՒՆԻՍԵՖ-ի և Գյումրու «Երիտասարդական նախաձեռնությունների կենտրոն»-ի կողմից։ Այն մեկնարկել է 2020թ. դեկտեմբերին և կշարունակվի մինչև այս տարվա մայիս:
Ծրագրի նպատակն է կյանքի հիմնարար հմտություններով զինել 13-18 տարեկան պատանիներին, ինչը կօգնի նրանց անձնական ու մասնագիտական կյանքում հաջողությունների հասնել, ինչպես նաև բարձրացնել պատանիների քաղաքացիական ակտիվությունը՝ վերջիններիս ներգրավելով իրենց համայնքների կյանքի որակի բարելավմանն ուղղված գործընթացներում:
Ծրագրում ներգրավված է 150 դեռահաս Լոռու, Շիրակի, Տավուշի մարզերից: Ձևավորված 6 առանձին խմբերից 2-ը(յուրաքանչյուրում 25-ական մասնակից) Լոռու մարզից են՝ Վանաձորից և Սպիտակից:
Երեխաներն իրենց հերթին ներկայացրեցին Վանաձոր քաղաքում իրականացված, համայնքային կյանքի ակտիվացմանն ուղղված 4 նախաձեռնությունները, խոսեցին իրենց կողմից ձեռքբերված հմությունների և գիտելիքների մասին:
Ա. Խաչատրյանը, ողջունելով երեխաների ակտիվությունը և նախաձեռնողականությունը, նշեց, որ պատրաստ է աջակցելու նրանց հետաքրքիր գաղափարների կյանքի կոչման հարցում:
Մարզի ղեկավարը երեխաների հորդորեց նաև լավ սովորել, որպեսզի երկրի ապագան շնորհիվ կրթյալ և մասնագիտական բարձր որակներ, մարդկային բարձր արժեքներ ունեցող պայծառ երիտասարդների, լինի հուսալի ձեռքերում:
Պատանիներն ու աղջիկները մարզպետին նաև հարցեր ուղղելու հնարավորություն ունեցան: