Լոռու մարզպետի աշխատակազմ

Սրբազա՛ն հայր
Գերաշնո՛րհ Տեր Հովնան եպիսկոպոս Հակոբյան
Ջերմորեն շնորհավորում եմ Ձեզ ծննդյան տարեդարձի առթիվ: Թող երկնային Տերը Ձեզ պարգևի երկար տարիների քաջառողջ կյանք, անսպառ ուժ և կորով, որպեսզի այդ ուժն ու եռանդը կարողանաք ծառայեցնել Լոռու մարզի հոգևոր մշակույթի պահպանման ու զարգացման սուրբ գործին: Վստահ եմ՝ Ձեր ջանքերը ուղղված են լինելու հայրենասիրության և հավատքի ամրապնդմանը, հանդուրժողականություն ու փոխվստահություն սերմանելուն, մեր ժողովրդի համար ծանրագույն այս ժամանակահատվածում ապագայի հանդեպ հույս ու հավատ ներշնչելու գործին: Այսօր, առավել քան երբևէ, հավատացյալ ժողովուրդը ունի Ձեր հայրական օրհնանքի ու սփոփիչ խոսքերի կարիքը:
Լիահույս եմ, որ շարունակական են լինելու մեր մարզում Գուգարաց թեմի կողմից իրականացվող ամենատարբեր բարեգործական ծրագրերը, է՛լ ավելի է սերտանալու մարզային, համայնքային և Հայ առաքելական Սուրբ եկեղեցու միջև համագործակցությունը՝ ի շահ Հայաստանի Հանրապետության պետականության պահպանման:
Եվս մեկ անգամ շնորհավորելով՝ մաղթում եմ խաղաղություն, առողջություն, երկար տարիների արգասաբեր գործունեություն: