Տեղեկատվական կենտրոն
Նորություններ
Այս տարի Լոռու մարզի 18 համայնքներում կիրականացվի 19 ծրագիր
09.02.2021
![](http://lori.mtad.am/files/n_pics/27851_s.jpg)
«Վարձատրվող հասարակական աշխատանքների կազմակերպման միջոցով գործազուրկների ժամանակավոր զբաղվածության ապահովում» ծրագրի շրջանակներում այս տարի Լոռու մարզի 18 համայնքներում կիրականացվի 19 ծրագիր: Լոռու մարզի զբաղվածության աջակցության մարզային հանձնաժողովի այս տարվա առաջին ընդլայնված նիստին
մասնակցում էին մարզի զբաղվածության տարածքային կենտրոնների ներկայացուցիչները և հաստատված ծրագրերում ընդգրկված համայնքների ղեկավարները: Հանձնաժողովը ղեկավարում է ՀՀ Լոռու մարզպետի տեղակալ Գոռ Ասրյանը:
Այս տարվա համար ծրագրի շրջանակներում համայնքները ներկայացրել են շուրջ չորս տասնյակ առաջարկներ, սակայն հանձնաժողովի կողմից ընտրվել են դրանցից 19-ը: Լոռու մարզպետ Արամ Խաչատրյանի կողմից հաստատվել է նշված ծրագրերի կատարման ժամանակացույցը:
Հանձնաժողովի քարտուղար, մարզպետարանի առողջապահության և սոցիալական ապահովության վարչության սոցիալական ապահովության բաժնի պետ Վալերի Ջաղինյանը խոսեց 2021թ. Լոռու մարզին հատկացված ծրագրերի մասին, ներկայացրեց առաջադրվող պահանջները, համայնքների կողմից կատարվելիք նախապատրաստական աշխատանքները:
Աշխատանքների մեկնարկը կտրվի այս տարվա ապրիլ ամսից: