Լոռու մարզպետի աշխատակազմ

Լոռու մարզպետ Արամ Խաչատրյանն այսօր հանդիպում ունեցավ մարզի գրողական համայնքի ներկայացուցիչների հետ: Կարևորելով գրողների դերակատարությունը հանրության գիտակցության ձևավորման ու զարգացման գործում ՝ մարզի ղեկավարը շեշտեց՝ այսօր առաջնային է ստեղծագործող անհատների ներուժը ծառայեցնել ժողովրդի համախմբան, միասնական դարձնելու գործին:

-Մեր նպատակն է վեր հանել ոլորտում առկա խնդիրները, քննարկել ու գտնել դրանց հաղթահարման ուղիները.այս հանդիպումները հենց դրան են միտված: Վստահեցնում եմ՝ ամեն ինչ անելու ենք մեր համագործակցությունը ամուր հիմքի վրա դնելու և ցանկալի արդյունքներ գրանցելու համար: Հավատացած եղեք՝ ձեզ հուզող հարցերը մեր օրակարգում են,- նշեց մարզի ղեկավարը:

Հանդիպմանը ներկա գրողները բարձրաձայնեցին մի շարք խնդիրների մասին. այդ թվում՝ մշակույթի և հատկապես՝ գրականության զարգացմանն ուղղված մարզային ծրագրերի, պատանի ստեղծագործողների՝ գրական ասպարեզ անխոչընդոտ մուտք գործելու , տարատեսակ մշակութային միջոցառումների կազմակերպման և այլնի մասին:
Խնդիրներից խոսելուց զատ՝ գրողները հայտնեցին իրենց անվերապահ աջակցությունը մարզպետին և մարզային իշխանություններին: