Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզի տնտեսական զարգացումը լինելու է առաջնահերթություն. անելու ենք հնարավոր ամեն ինչ՝ գործարար ոլորտն ակտիվացնելու նպատակով. Ա. Խաչատրյան
11.01.2021
Լոռու մարզպետ Արամ Խաչատրյանը մեկնարկել է ճանաչողական այցերը արտադրական ձեռնարկություններ՝ մարզի արդյունաբերական պոտենցիալին, առկա խնդիրներին տեղում ծանոթանալու և մարզի գործարարներին աջակցելու հնարավորությունները քննարկելու նպատակով:
Ա. Խաչատրյանը խորհրդական Հովհաննես Ավետիսյանի ուղեկցությամբ այսօր այցելեց Վանաձորում գործող «ԳազԱրտ» արտադրամաս:
Մարզպետը ծանոթացավ արտադրամասի գործունեությանը, աշխատանքի կազմակերպմանը:
-Ողջունելի և խրախուսելի է ցանկացած նախաձեռնություն, որն ուղղված կլինի մարզի զարգացմանը, տնտեսական աճին և աշխատատեղեր կապահովի բնակիչների համար. «ԳազԱրտ»-ն այսօր աշխատանքով է ապահովում շուրջ 85 քաղաքացու: Վստահեցնում եմ՝ որպես մարզի ղեկավար՝ պատրաստ եմ աջակցելու հնարավոր բոլոր միջոցներով, ստեղծել կառուցողական ու մրցակցային դաշտ գործարար ոլորտի ներկայացուցիչների համար,- ասաց մարզի ղեկավարը:
«ԳազԱրտ»-ը զբաղվում է գազային ճնշակների արտադրությամբ, որոնք արտահանվում են Ռուսաստանի Դաշնություն: Ճնշակները հոսանք խնայող են, որակյալ և մատչելի: Առաջիկայում ևս մեկ արտադրամաս կշահագործվի՝ այս անգամ արդեն աշխատանքով ապահովելով մինչև 150 քաղաքացու:
