Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Շնորհակալ ենք ձեր քաղաքացիական դիրքորոշման, ձեր պատրաստակամության համար». Ա. Ղուկասյանը շնորհակալագրեր հանձնեց արցախցիներին կացարան տրամադրած կառույցների ներկայացուցիչներին
16.12.2020
Մարզի գլխավոր կառույցում հյուրընկալվել էին նաև մարզի այն հյուրանոցների, հյուրատների և պետական նշանակության կենտրոնացված կացարանների ներկայացուցիչներն, ովքեր անշահախնդիր կերպով իրենց հարկի տակ են առել Լոռու մարզում ապաստան գտած արցախցի մեր հայրենակիցներին:
-Շնորհակալ ենք ձեր քաղաքացիական դիրքորոշման, ձեր պատրաստակամության համար,- անհատապես բոլորին իր երախտագիտությունը հատնելով՝ ասաց Ա. Ղուկասյանը: -Այս տարին հատկապես ձեր ոլորտի համար ամենածանրերից էր համավարակի, ապա նաև պատերազմի պատճառով, բայց դա չխանգարեց ձեզ անելու առավելագույն հնարավորը արցախցի մեր հայրենակիցների, մեր հայրենիքի համար:
Մարզպետի տեղակալ Գայանե Մարկոսյանն իր խոսքում մասնավորապես ընդգծեց մարզպետարանի զարգացման ծրագրերի, վերլուծության և զբոսաշրջության բաժնի դերակատարությունը հյուրանոցների, հյուրատների և պետական կացարանների ներկայացուցիչների հետ համագործակցության և արցախցի ընտանիքների տեղավորման հարցում:
Զարգացման ծրագրերի, վերլուծության և զբոսաշրջության բաժնի պետ Հերմինե Գասպարյանն, իր հեթին ընդգծելով անշահախնդիր համագործակցությունը, հույս հայտնեց, որ արդեն մոտ ապագայում միասնական ջանքերով կշարունակվեն և նոր թափ կստանան մարզի զբոսաշրջության զարգացման ուղղությամբ տարվող աշխատանքները:
-Նաև մարզպետարանի դիրքորոշման և փոխվստահության շնորհիվ էր, որ մեր համագործակցույթունը կայացավ ու կշարունակվի նաև այլ ծրագրերի շրջանակներում,-նշեցին ներկաներից շատերը: Նրանք նաև ջերմ հիշողություններ ներկայացրեցին ընդհանուր առօրյայից՝ ընդգծելով, որ արցախցի շատ ընտանիքների հետ ջերմ բարեկամական հարաբերություններ են ձևավորվել:
Մարզի ղեկավարի կողմից նրանք արժանացան շնորհակալագրերի:
