Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Անդրեյ Ղուկասյանն իր երախտագիտությունը հայտնեց մարզպետարանի կոլեկտիվին 2.5 տարվա համատեղ տքնաջան աշխատանքի համար
16.12.2020
Աշխատանքային վերջին օրը Լոռու մարզպետ Անդրեյ Ղուկասյանը հանդիպեց մարզպետարանի աշխատակազմի հետ: Նա իր երախտագիտությունը հայտնեց կոլեկտիվի բոլոր անդամներին 2.5 տարվա համատեղ տքնաջան աշխատանքի համար՝ հույս հայտնելով, որ այն աշխատանքային մթնոլորտը, առողջ հարաբերությունները, որոնք ձևավորվել են, կշարունակվեն նաև հետագայում.
-Լոռու մարզպետարանում աշխատում է պրոֆեսիոնալ մասնագետների թիմ, որն ունակ է անվրեպ գործելու ցանկացած դժվարին իրավիճակում: Սա մենք միասին կարողացանք ապացուցել հատկապես համավարկի և պատերազմական ծանր օրերին՝ հաղթահարելով մեր առջև դրված բոլոր բարդ, երբեմն անհաղթահարելի թվացող խնդիրները,-ասաց Ա. Ղուկասյանը:
Անդրեյ Ղուկասյանին և աշխատակազմին իր շնորհակալության խոսքը հղեց նաև մարզպետի տեղակալ Գայանե Մարկոսյանը:
-Հատկապես վերջին մեկ տարում միասին աշխատել ենք շուրջօրյա գրաֆիկով՝ երկրորդ պլան մղելով անձնական և ընտանեկան խնդիրները, բայց տեսնելով կատարված աշխատանքի արդյունքը գոհացել ու բավարարվել ենք նրանով, որ ինչ-որ դրական բան ենք կարողացել անել մեր մարզի համար,-ասաց նա:
Աշխատակիցներից մի քանիսը նույնպես իրենց սրտի խոսքը հնչեցնելու հնարավորություն ունեցան:
Հանդիպման ավարտին Անդրեյ Ղուկասյանը Լոռու մարզում ծավալած արգասաբեր գործունեության, արդյունավետ համագործակցության, ինչպես նաև ռազմական դրության պայմաններում թիկունքն ամուր պահելու և նվիրված աշխատանքի համար շնորհակալագրերով պարգևատրեց մի խումբ աշխատակիցների:
