Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզի ղեկավարը ներկայացրեց Ստեփանավան համայնքի ղեկավարի պաշտոնակատար Արմեն Գրիգորյանին
26.11.2020
ՀՀ վարչապետ Նիկոլ Փաշինյանի նոյեմբերի 24-ի, թիվ 1272-Ա որոշմամբ՝ Արմեն Գրիգորյանը նշանակվել Հայաստանի Հանրապետության Լոռու մարզի Ստեփանավան համայնքի ղեկավարի պաշտոնակատար:
Այսօր մարզպետ Անդրեյ Ղուկասյանը համայնքի ղեկավարի պաշտոնակատարին անձամբ ներկայացրեց համայնքապետարանի աշխատակզմին և համայնքային ենթակայության հիմնարկների ղեկավարներին:
Մարզի ղեկավարը շնորհավորեց Ա. Գրիգորյանին պատասխանատու պաշտոն ստանձնելու կապակցությամբ: Նա անդրադարձավ համայնքում առկա լրջագույն խնդիրներին՝ հույս հայտնելով, որ կարճ ժամանակ անց հետևողական և համագործակցային աշխատանքի արդյունքում հնարավոր կլինի հաղթահարել դրանք, ու համայնքի զարգացման կայուն ուղի նախանշել:
Ա. Ղուկասյանը հավաստեց նաև, որ Լոռու մարզպետարանի աշխատակազմը պատրաստ է խորհրդատվական աջակցություն ցուցաբերել համայնքի ղեկավարի պաշտոնակատարին:
Ա. Գրիգորյանն իր հերթին խոստացավ պատվով իրականացնել իր վրա դրված պարտականությունները, նպաստել համայնքի զարգացմանը և ծառայել համայնքի բնակչությանը:
