Լոռու մարզպետի աշխատակազմ

Լոռու մարզում ժամանակավորապես ապաստանած արցախցիները, պատերազմական գործողությունների դադարեցման ավարտից հետո սկսել են վերադառնալ հայրենի օջախներ՝ միասնական ուժերով լծվելու Արցախը շենացնելու գործին.
-Բոլոր ջանքերը պիտի գործադրենք՝ հետպատերազմյան իրավիճակում հնարավորինս արագ ու սահուն կերպով անցնելու մեր բնականոն կյանքին, միասնական ջանքերով կրկին կենդանացնելու ենք Արցախը: Շնորհակալ ենք Լոռու մարզում ավելի քան 40 օր մեզ հյուրընկալելու և անշահախնդիր աջակցության համար,-ասում են նրանք:
Լոռու մարզից նրանց անվտանգ ու ապահով տեղափոխումն իրականացվում է Լոռու մարզպետարանի աջակցությամբ:
 Պատերազմական գործողությունների առաջին իսկ օրերից Լոռու մարզում հյուրընկալված ընտանիքներին կացարանով, անհրաժեշտ սննդով, իրերով ու այլ պարագաներով ապահովումը կոորդինացվել է Լոռու մարզային համակարգման կենտրոնի կողմից:
 Հիշեցնենք, որ Լոռիում գտնվող այն արցախցիները, ովքեր ցանկություն ունեն վերադառնալ հայրենի Արցախ, կարող են զանգահարել և գրանցվել (095) 00 84 18, (099) 30 35 15, իսկ Երևանից մեկնելու դեպքում՝ (055) 77 78 06 հեռախոսահամարներով: