Տեղեկատվական կենտրոն
Նորություններ
Առաջնագիծ ուղարկելու նպատակով մեր քաջարի զինվորների համար քնապարկեր են կարում
08.10.2020
![](http://lori.mtad.am/files/n_pics/27038_s.jpg)
Վանաձորի «Սարտոն» կարի ֆաբրիկայում արդեն մի քանի օր է՝ առաջնագիծ ուղարկելու նպատակով մեր քաջարի զինվորների համար քնապարկեր են կարում:
Բոլոր աշխատակիցները մեկ մարդու նման որոշում են կայացրել արտաժամյա և առանց հանգստյան օրերի աշխատելով՝ օր առաջ, ժամ առաջ անհրաժեշտ քնապարկերը զինվորին հասցնել:
Տնօրեն Ռոբերտ Ղուբաթյանը նշում է, որ Լոռու մարզպետարանի աջակցությամբ երրորդ խմբաքանակն արդեն ուղարկել են, այժմ հերթական խմբաքանակ են պատրաստում: Հետո էլ անձրևանոցներ են կարելու, որ սահմանին անսասան կանգնած մեր քաջերը հանկարծ չթրջվեն:
-Բոլորս մեր հերոսների, մեր բալեքի կողքին ենք:
Հպարտ ենք, որ մեր հայրենիքը նման արժանի զավակներ ունի,-ասում են ֆաբրիկայի աշխատակիցները: