Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քննարկվել են մի շարք օրախնդիր հարցեր
22.09.2020
Լոռու մարզպետ Անդրեյ Ղուկասյանն այսօր աշխատանքային խորհրդակցություն է անցկացրել փոխմարզպետ Գայանե Մարկոսյանի, մարզպետարանի կառուցվածքային ստորաբաժանումների ղեկավարների մասնակցությամբ:
Վերջիններս հանդես են եկել նախորդ շաբաթվա ընթացքում կատարված աշխատանքների վերաբերյալ հաշվետվություններով, ներկայացրել են նաև առկա խնդիրները և ձեռքբերումները:
Ա. Ղուկասյանը խստորեն հանձնարարել է.
• Հետևողականություն ցուցաբերել հարկերի հավաքագրման ուղղությամբ, քայլեր ձեռնարկել մարզի ընդհանուր ցուցանիշը 100 տոկոսի հասցնելու նպատակով:
• Դպրոցներում անընդհատ վերահսկել համաճարակային կանոնների պահպանումը:
• Ամենօրյա ռեժիմով հետևել մարզում իրականացվող սուբվենցիոն ծրագրերի ընթացքին և զեկուցել աշխատանքների որակի, ընթացքի և ժամկետների վերաբերյալ:
• Շարունակել հետևողականություն ցուցաբերել համայնքներում ավագանիների աշխատանքի նկատմամբ:
• Վերահսկողության տակ պահել համայնքներում հողահատկացումների, ինչպես նաև ապօրինաշինությունների հետ կապված գործընթացը և այլն:
Քննարկվել են մի շարք օրախնդիր այլ հարցեր ևս:
