Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Մշակույթի ոլորտում մենք ասելիք ունենք, և այդ ասելիքը տեղ պիտի հասցնենք նաև երիտասարդ սերնդի միջոցով». Գ. Մարկոսյանը ընդունեց «Պլեներ-2020» երիտասարդական փառատոնի մասնակիցներին
10.09.2020
Սեպտեմբերի 10-ից 13-ը Գեղարքունիքի մարզի Ճամբարակ համայնքում տեղի կունենա «Պլեներ-2020» եռօրյա փառատոնը.այն կհամախմբի երիտասարդ նկարիչների՝ հանրապետության բոլոր մարզերից:
Փառատոնի անցկացման մասին Լոռու մարզպետարանի բաց հայտարարությանն արձագանքած 5 նկարիչներn իրենց կտավների միջոցով կբացահայտեն մարզի առանձնահատկությունները՝ բնությունը, մշակույթը, պատմությունը:
Նրանց հետ հանդիպմանը փոխմարզպետը շեշտեց. սա լավ հնարավորություն է նոր ծանոթություններ հաստատելու, միջմշակութային կապերն ամրապնդելու և դառնալու հենց ա ՛յն օղակը, որը կներկայացնի մեր մարզը:
Մարզպետարանն արել է ամեն ինչ՝ անհրաժեշտ նյութերի, կտավների ձեռքբերման, մասնակիցների տեղափոխման հարցը լուծելու համար, և հիմա երիտասարդներից ակնկալում են՝ պատվով ներկայացնել մարզը, հույս ունեն՝ փառատոնի ավարտին էլ մարզի գլխավոր կառույցի պատերը կզարդարեն նաև ա ՛յս երիտասարդների կտավները:
Մասնակիցներն իրենց հերթին վստահեցրին՝ կանեն ամեն ինչ սպասելիքներն արդարացնելու համար:
Կրթության, մշակույթի և սպորտի վարչության պետ Ռաֆայել Հարությունյանն էլ շեշտեց՝ նմանատիպ միջոցառումները կարևոր են նաև փորձի փոխանակման, նոր գիտելիքներ ձեռք բերելու, ինչու չէ՝ նաև ոգևորությունը պատանի ու երիտասարդ ստեղծագործողներին փոխանցելու առումով:
