Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Դու գիտես» ինտելեկտուալ խաղ-մրցույթի մասնակիցները արժանացան խրախուսանքի
28.07.2020
Լոռու մարզպետարանի կրթության, մշակույթի և սպորտի վարչության պետ Ռաֆայել Հարությունյանը «Դու գիտես» ինտելեկտուալ խաղ-մրցույթում 2-րդ տեղը գրաված աշակերտներին և նրանց ուսուցչուհուն մարզի ղեկավարի կողմից դրամական պարգև և շնորհակալագրեր հանձնեց Լոռվա մարզը լավագույնս ներկայացնելու համար:
Ինտելեկտուալ խաղ-մրցույթը իրականացվել է ԿԳՄՍ նախարարության և Հանրային հեռուստատեսության նախաձեռնությամբ: Մրցույթի 3-րդ եթերաշրջանին մասնակցել են թիմեր՝ հանրապետության բոլոր մարզերից և Արցախից: Հաղթելով Սյունիքի, Արագածոտնի և Երևանի թիմերին՝ Լոռու թիմը եզրափակիչ փուլում գրավել է 2-րդ տեղը՝ մեկ միավորով զիջելով միայն Արմավիրի թիմին:
Թիմի ղեկավարն էր Վանաձորի Ակսել Բակունցի անվան թիվ 7 հիմնական դպրոցի պատմության ուսուցչուհի Լիլիթ Մինասյանը, մրցույթի մասնակից աշակերտները՝ Վանաձորի Ա.Բակունցի անվան թիվ 7 հիմնական դպրոցի 9-րդ դասարանի աշակերտուհի Աստղիկ Զաքարյանը և Վանաձորի Պ.Տիչինայի անվան թիվ 20 հիմնական դպրոցի 9-րդ դասարանի աշակերտուհի Մաթիլդա Սիմոնյանը:
