Տեղեկատվական կենտրոն
Նորություններ
Շնորհակալագրեր և ծաղիկներ՝ լավագույն արդյունք ցուցաբերած աշակերտներին և նրանց ուսուցիչներին
21.07.2020
![](http://lori.mtad.am/files/n_pics/26104_s.jpg)
Դպրոցական առարկայական օլիմպիադաների հանրապետական փուլում լավագույն արդյունքներ ցուցաբերած 16 աշակերտ այսօր Լոռու մարզպետ Անդրեյ Ղուկասյանի կողմից շնորհակալագրերից ու խորհրդանշական նվերներից զատ նաև գովասանքի խոսքերի են արժանանում, ինչը, ասում են, ավելի ոգևորող ու պարտավորեցնող է: Աշակերտներից 4-ը առաջին մրցանակակիր են, 3-ը՝ երկրորդ, 6-ը՝ երրորդ, 3- ը ստացել են գովասանագիր:
Լավագույն արդյունքները Վանաձորի թիվ 11 ավագ դպրոցի 12-րդ դասարանի աշակերտ Լևոն Խառատյանինը ու Մաթեմատիկայի և բնագիտական առարկաների խորացված ուսուցմամբ հատուկ դպրոցի 12-րդ դասարանի աշակերտ Արտյոմ Պետրոսյանինն են. Մենդելեևյան միջազգային օլիմպիադայում Լևոնը նվաճել է արծաթե մեդալ, Արտյոմը՝ բրոնզե, քիմիայի հանրապետական օլիմպիադայում նրանք զբաղեցրել են առաջին տեղը:
Մարզպետի հետ զրույցում պարզ դարձավ՝ աշակերտների մի մասը մասնագիտության ընտրության հարցում արդեն կողմնորոշվել է, բժիշկ դառնալ ցանկանում են շատերը, ոմանք էլ միջազգային բուհերում սովորելու հնարավորություն են ստացել. եթե հաջողվի, կրթությունը կշարունակեն նաև հանրապետությունից դուրս. մարզի ղեկավարի պայամանն է՝ գիտելիքների հարուստ պաշարով վերադառնալ Լոռի ու զարգացնել մե՛ր մարզը: