Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Վանաձորում ճանապարհաշինական թերությունները շտկելու վերջնաժամկետն օգոստոսի 1-ն է

20.07.2020

 Մարզպետ Անդրեյ Ղուկասյանի հերթական շրջայցը մարզկենտրոն Վանաձորում՝ նպատակ ուներ ուսումնասիրելու 2019թ.-ին սուբվենցիոն միջոցներով իրականացված, սակայն որակական լուրջ խնդիրների պատճառով այդպես էլ չընդունված ճանապարհաշինական ծրագրերը, շինարարի հետ քննարկելու հետագա քայլերը:
Ինչպես հայտնի է, նախորդ տարի մրցույթով հաղթող ճանաչված ճանապարհաշինական կազմակերպությունը՝ «Մ. Բուատ» ՍՊԸ-ն, պարտավորվել էր հիմնանորոգել 14 փողոց, աշխատանքներ էր իրականացրել 6 փողոցում, որոնցից ընդունվել և վճարվել էր միայն 1-ի համար(Զեյթունի փողոցից մինչև Սեբաստիայի փողոց), 5-ում որակի հետ կապված խնդիրներ էին արձանագրվել: Լանջային փողոցի կառուցման անորակության փաստն ընդունել էր նաև շինկազմակերպությունը. այստեղ աշխատանքները պետք է իրականացվեն նորովի:
Մարզի ղեկավարը շրջայցի ընթացքում եղավ Տավրոսի 8-րդ փողոցում, Տավրոսի 18-րդ փողոցից դեպի Տարոն-1 թաղամաս տանող հատվածում, Վերածննդի փողոցից դեպի 5-րդ համաբուժարան տանող ճանապարհի երթևեկելի մասում, Լանջային և Լազյան փողոցներում: Աշխատանքների անորակությունը տեսանելի էր անգամ անզեն աչքով, համեմատաբար բարվոք էր վիճակը միայն Լազյան փողոցում, թեև վերջնական արդյունքի մասին կարելի կլինի խոսել միայն լաբորատոր փորձաքննության արդյունքներն ստանալուց հետո:
-Առաջարկում եմ ՀՀ կառավարության կողմից սահմանված ժամկետում՝ մինչև օգոստոսի 1-ը, վերացնել թերությունները, որից հետո հարցը կկարողանանք քննարկել արդեն կառուցողական դաշտում: Այլընտրանք չկա. անորակ աշխատանքները միանշանակ չեն ընդունվելու,-դիմելով շինկազմակերպության ներկայացուցչին՝ ասաց Ա. Ղուկասյանը:
Շինարարը պատրաստակամ է, իսկ կկարողանա հասցնել, թե ոչ՝ ցույց կտա ժամանակը. օգոստոսի 1-ին ընդամենը հաշված օրեր են մնացել:
Մարզի ղեկավարը շինհրապարակներում կլինի նաև ժամկետի ավարտին:
Հիշեցնենք, որ ավելի վաղ Ա. Ղուկասյանը մարզկենտրոնում ստեղծված նման իրավիճակը որակել էր որպես համայնքապետարանի կողմից ոչ բավարար վերահսկողության և փնթի կառավարման արդյունք:

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2020-09-18 11:38:31