Լոռու մարզպետի աշխատակազմ

Նախորդ տարի սուբվենցիոն միջոցներով Ջրաշեն համայնքում իրականցված տուֆ քարի միջոցով ճանապարհի սալարկման հաջողված ծրագիրը ընդօրինակելի դարձավ ոչ միայն մարզի, այլև հանրապետության մի շարք այլ համայնքների համար: Այս տարի տուֆ քարով ճանապարհի բարեկարգման ծրագրեր կիրականացնի Լոռու մարզի 7 համայնք. ընդհանուր առմամբ այս մեթոդով կհիմնանորոգվի 6.8 կմ ճանապարհ:
Բազում համայնքում հողածածկ մակերեսների տուֆ քարով սալարկում կիրականացվի 2-րդ, 3-րդ, 7-րդ փողոցներում, 1-ին և 5-րդ փողոցների 1-ին նրբանցքներում:
Ծրագրի ընդհանուր բյուջեն` նախահաշվային արժեքով, կազմում է շուրջ 28 մլն դրամ, որից ավելի քան 12 մլն դրամը համայնքային ներդրումն է: Հիմնանորոգվող հատվածների ընդհանուր երկարությունը մոտ 800 գծմ է:
Ծրագրի շահառու են բնակավայրի բոլոր բնակիչները` շուրջ 1900 մարդ:
Մեծավան համայնքում նույն սկզբունքով կնորոգվի Կոմիտասի փողոցի 600 մետր երկարությամբ հատվածը:
Ծրագրի ընդհանուր բյուջեն` նախահաշվային արժեքով, կազմում է ավելի քան 21 մլն դրամ, որից ավելի քան 9 մլն դրամը համայնքային ներդրումն է: Ծրագրի շահառու է բնակավայրի շուրջ 6000 բնակիչ:
Հարթագյուղ համայնքում «Փողոցների կառուցման աշխատանքներ» ծրագրի շրջանակներում տուֆ քարով կհիմնանորոգվի համայնքի գերեզմաններ տանող ճանապարհի շուրջ 320 գծմ հատվածը:
Ընդհանուր բյուջեն` նախահաշվային արժեքով, կազմում է 16.602 հազար դրամ, որից 7մլն 471 հազարը դրամը համայնքային ներդրումն է:
Ծրագրի հիմնական շահառու է համայնքի ողջ բնակչությունը` 1300 մարդ:
Արևաշող համայնքում տուֆ քարի միջոցով կնորոգվեն «Յազիկ» թաղամասի երկու փողոցները՝ 915 մ և 96 մ երկարությամբ:
Ծրագրի ընդհանուր բյուջեն` նախահաշվային արժեքով, կազմում է 40 մլն 524 հազար դրամ, որից ավելի քան 5 մլն դրամը համայնքային ներդրումն է, 11 մլն 760 հազար դրամը ներդրվել է բարերարի կողմից, իսկ մնացած մասը կֆինանսավորվի պետբյուջեից:
Ծրագրի շահառու է համայնքի շուրջ 3000 բնակիչ:
Ջրաշենում իրականացված հաջողված ծրագիրը ոգևորել է համայնքին ճանապարհի նոր հատվածներ ընդգրկելու աշխատանքներում. այս տարի նախատեսվում է հիմնանորոգել 8-րդ փողոցի 370 մետր և 10-րդ փողոցի 200 մետր երկարությամբ հատվածները ևս: Ծրագրի ընդհանուր բյուջեն` նախահաշվային արժեքով, կազմում է 21 մլն 794 հազար դրամ, որից 10 մլն 897 հազար դրամը համայնքային ներդրումն է:
Շահառու է համայնքի շուրջ 400 տնտեսություն:
Ախթալա համայնքի «Ներհամայնքային ճանապարհների բարեկարգում մասնակի նորոգման, ասֆալտապատման և տուֆապատման միջոցով» ծրագրի ընդհանուր բյուջեն` նախահաշվային արժեքով, կազմում է 124 մլն 996հազար դրամ, որից 56 մլն 248 հազար դրամը համայնքային ներդրումն է: Նախատեսվում է ասֆալտապատել Ախթալա բնակավայրի Շահումյան և Սպանդարյան փողոցները, տուֆ քարով կսալարկվեն Ճոճկան բնակավայրի 1-ին, 3-րդ, 4-րդ, 5-րդ, 6-րդ, 7-րդ, 8-րդ, 14-րդ և 16-րդ փողոցները:
Ծրագրի հիմնական շահառու է շուրջ 4700 մարդ:
Արջուտ համայնքում տուֆ քարով կսալարկվի 1400 մետր երկարությամբ փողոց՝ ծառայելով համայնքի շուրջ 1300 բնակիչների:
Ընդհանուր բյուջեն` նախահաշվային արժեքով, կազմում է 49 մլն 880 հազար դրամ, որից 18 մլն 947 հազար դրամը համայնքային ներդրումն է, 3 մլն 500 հազար դրամը կներդրվի բարերարի, իսկ գումարի մնացած մասը կֆինանսավորվի պետական միջոցներից: