Լոռու
մարզպետարան

Լոռու մարզ հանրակրթական դպրոցների աշակերտները հաջողություններ են գրանցել դպրոցական առարկայական օլիմպիադաների հանրապետական փուլում. մեր աշակերտները «Քիմիա» առարկայից նվաճել են 2՝ առաջին կարգի դիպլոմ, 1՝ 3-րդ կարգի, «Անգլերենից» 1՝ 3-րդ կարգի, «Գերմաներենից» 1՝ առաջին կարգի, «Պատմությունից»՝ 1 առաջին կարգի, 1՝ 2-րդ կարգի, 2՝ 3-րդ կարգի, «Աշխարհագրությունից» 1՝ 3-րդ կարգի, «Կենսաբանությունից»՝ 2՝ 2-րդ կարգի դիպլոմ և 2 գովասանագիր, «Ֆիզիկայից»՝ 1 գովասանագիր և «Մաթեմատիկայից»՝ 1՝ 3-րդ կարգի դիպլոմ:
Ինչպես հայտնի է, 2019-2020թ.թ. ուստարվա առարկայական օլիմպիադաների հանրապետական փուլն այս տարի, ըստ ժամանակացույցի, անցկացվել է «Մաթեմատիկա», «Կենսաբանություն», «Ֆիզիկա», «Աստղագիտություն», «Աշխարհագրություն», «Պատմություն», «Ինֆորմատիկա» առարկաներից, իսկ «Գերմաներեն», «Ֆրանսերեն», «Անգլերեն», «Հայոց լեզու», «Հայ գրականություն», «Ռուսաց լեզու», «ՀԵՊ» և «Քիմիա» առարկաների օլիմպիադաները, համավարակով պայմանավորված իրավիճակից ելնելով, միայն 12-րդ դասարանների համար՝ հունիս 5-6-ը:
Համավարակի պատճառով հետաձգված օլիմպիադաների հանրապետական փուլը 9-11-րդ դասարանների աշակերտների համար՝ «Գերմաներեն», «Ֆրանսերեն», «Անգլերեն», «Հայոց լեզու», «Հայ գրականություն», «Ռուսաց լեզու», «ՀԵՊ» և «Քիմիա» առարկաների առարկաներից կանցկացվի այս տարվա սեպտեմբեր-հոկտեմբեր ամիսներին:
Հարկ է նշել նաև, որ ՀՀ ԿԳՄՍ նախարարի համապատասխան հրամանով հանրապետական օլիմպիադայի եզրափակիչ փուլում հաղթած աշակերտները կստանան անվանական կրթաթոշակ: