Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Անվճար դիմակներ և իրազեկում՝ դրանք կրելու ճիշտ ձևի և կարևորության մասին
11.06.2020
Վանաձորի մի խումբ հասարակական կազմակերպությունների ներկայացուցիչներ և քաղաքացիներ, նախաձեռնություն են ցուցաբերել շարունակելու «Իրազեկ քաղաքացիների միավորում» ՀԿ կազմակերպած ակցիան՝ վերջինիս կողմից տրամադրված շնչադիմակները բաշխելով մարզկենտրոնի հատկապես մարդաշատ, խնդրահարույց տարածքներում և քաղաքացիներին նաև իրազեկելով դիմակներ կրելու ճիշտ ձևի ու կարևորության մասին:
Նախաձեռնությանը մասնակցելու ցանկություն էր հայտնել նաև Լոռու մարզպետարանի թիմը՝ մարզպետի օգնական Նոնա Հովհաննիսյանը, կամավորական աշխատանքներում ներգրավված երիտասարդները:
Այսօր շուրջ 200 դիմակ բաշխվեց շուկայամերձ, ինչպես նաև քաղաքի կենտրոնական այլ հատվածներում:
Հաջորդող օրերին ակցիայի մասնակիցները կլինեն նաև Վանաձորի ծայրամասային թաղամասերում, հարակից գյուղական համայնքներում:
