Լոռու մարզպետի աշխատակազմ

Այսօր Լոռու մարզպետ Անդրեյ Ղուկասյանն անցկացրեց հերթական աշխատանքային խորհրդակցությունը փոխմարզպետ Գայանե Մարկոսյանի, մարզպետարանի կառուցվածքային ստորաբաժանումների ղեկավարերի, մարզպետարանի այլ պատասխանատու պաշտոնյաների մասնակցությամբ:
Մինչ օրակարգային հարցերին անցնելը, մարզի ղեկավարը ներկայացրեց մարզպետարանի գյուղատնտեսության և բնապահպանության վարչության նորանշանակ պետ Արուս Թումանյանին՝ մաղթելով նրան աշխատանքային հաջողություններ:
Խորհրդակցության ընթացքում փոխմարզպետ Գայանե Մարկոսյանը և կառուցվածքային ստորաբաժանումների ղեկավարները տեղեկատվություն ներկայացրեցին մարզպետ Անդրեյ Ղուկասյանի կողմից տրված հանձնարարականների, ինչպես նաև նախորդ շաբաթվա ընթացքում կատարված աշխատանքների վերաբերյալ:
Փոխմարզպետը մասնավորապես անդրադարձավ օրեր առաջ անցկացված «Վարձատրվող հասարակական աշխատանքների կազմակերպման միջոցով` գործազուրկների ժամանակավոր զբաղվածության ապահովում» ծրագրի շրջանակներում մարզում իրականացվող աշխատանքների քննարկման նպատակով հրավիրված Լոռու մարզի զբաղվածության աջակցության մարզային հանձնաժողովի նիստի արդյունքները: Նա նշեց, որ Հարթագյուղ համայնքում իրականացվող ծրագիրը դադարեցնելու վերաբերյալ առաջարկություն է ներկայացվել՝ կատարողական ակտ չներկայացնելու ու նաև, ըստ ժամկետների, տեսանելի աշխատանքներ չկատարելու հիմքով:
Փոխմարզպետն անդրադարձավ նաև համավարակով պայմանավորված ստեղծված իրավիճակում իրականացվող աջակցության ծրագրերին՝ նշելով, որ բանակացություններ են տարվում նաև տարբեր միջազգային կառույցների, դեսպանատների հետ՝ նոր համաձայնություններ ձեռքբերելու նպատակով:
Գ. Մարկոսյանի տեղեկացմամբ, ներկա դրությամբ մարզում հաստատված է պետություն- համայնք համատեղ ներդրմամբ իրականացվող 55 ծրագիր, որոնցից 29-ի մրցույթն արդեն իսկ հայտարարված է:
Մարզում շինարարական ներուժի հավաքագրման վերաբերյալ տեղեկատվություն տրամադրելով(ներկա պահին գրանցված է շուրջ 1500 շինարար) փոխմարզպետը նշեց, որ սուբվենիցոն ծրագրերով մրցույթները հաղթած շինկազմակերպություններին տրամադրվում են այդ տվյալները՝ աշխատանքներում ներգրավելու համար: Հետագայում նաև մոնիտորինգ կարվի, թե որքանով են նրանք ներգրավված աշխատանքներում:
Ներկայացվեց նաև հարկերի հավաքագրման գործընթացը, նշվեց, որ ցուցանիշներն այնքան էլ գոհացուցիչ չեն, իսկ պատճառաբանությունը համավարկով պայմանավորված իրավիճակն է: Խնդրի վերաբերյալ իր նկատառումներն արտահայտելով՝ մարզի ղեկավարը նշեց, որ իրավիճակը բոլորի համար համընդհանուր է, մինչդեռ ունենք բավականին մեծ թվով համայնքներ, որոնց հինգ ամսվա կատարողականը կազմել է 100 և ավելի տոկոս: Այսուհանդեձ, Անդրեյ Ղուկասյանը հանձնարարեց առավել հետևողական աշխատանքներ իրականացնել և կարճ ժամկետներում շտկել իրավիճակը:
Մարզի համաճարակային ընդհանուր իրավիճակը և տարվող աշխատանքները ներկայացնելով՝ մարզպետարանի առողաջապահության և սոցիալական ապահովության վարչության պետի պարտականությունները կատարող Լուսինե Վարդանյանը տեղեկացրեց, որ մարզում Սպիտակի բժշկական կենտրոնի վերպրոֆիլավորման հետ կապված աշխատանքներն իրականացվում են ինտենսիվ կերպով և այն հունիսի 8-ից կծառայի կորոնավիրուսով հիվանդների բուժման համար:
Իր նկատառումները հայտնելով վարչությունների կողմից ներկայացված հարցերի վերաբերյալ՝ մարզի ղեկավարը միաժամանակ տվեց մի շարք այլ հանձնարարականներ ևս՝ մասնավորապես կցագրման աշխատանքների պատշաճ կազմակերպման, ՀՈԱԿ-ների աշխատակիցների վերբերյալ տվյալների ամողջացման, մշակովի հողատարածքների ավելացման նպատակով աշխատանքներ իրականացնելու և այլն:
Քննարկվեցին ընթացիկ մի շարք այլ հարցեր ևս: