Լոռու մարզպետի աշխատակազմ

 Պարետի ցուցումով մարզում գործունեություն ծավալող խոշոր առևտրային կետերին ևս, ինչպես արդեն հայտնել ենք,մարզպետարանի կողմից տրամադրվել են անհրաժեշտ հիգիենիկ պարագաներ,ախտահանիչ նյութեր, և մարզպետ Անդրեյ Ղուկասյանի հանձնարարականով վերահսկվում է դրանց օգտագործման պարբերականությունը:
Ախտահանող նյութեր(քլոր, ալկոգել), դիմակներ և ձեռնոցներ են տրամադրել Վանաձորում, Ստեփանավանում, Ալավերդում և Տաշիրում գործող ընկերություններին:Ցուցումներ են տրվել նաև ախտահանող միջոցների օգտագործման վերաբերյալ:
Այսօր Լոռու մարզպետարանի աշխատակիցները մշտադիտարկում են իրականացրել մարզկենտրոնի խոշոր մթերային խանութներում՝ ախտահանիչ նյութերի և կանխարգելիչ այլ միջոցառումները վերահսկելու նպատակով: Նման այցելություններ կատարվելու են ամենօրյա պարբերականությամբ:
Միաժամանակ վերահսկվել է Պարետի մարտի 24-ի թիվ 14 որոշմամբ հաստատված տնտեսական գործունեության սահմանափակումների կիրառելիությունը:
Սահմանափակումների վերաբերյալ որոշումը այստեղ` https://www.gov.am/files/docs/3967.pdf :